ខេត្តមណ្ឌលគិរី៖ នាព្រឹកថ្ងៃទី២០ ខែកញ្ញា ឆ្នាំ២០២៦ លោក លី សាមិ ប្រធានមន្ទីរអប់រំ យុវជន និងកីឡាខេត្តមណ្ឌលគិរី បានអញ្ជើញជាអធិបតីភាព ក្នុងពិធីប្រគល់វិញ្ញាបនបត្រ និងបណ្ណសរសើរជូនដល់សិស្សានុសិស្សនៃសាលារៀន ប្រ៊េន អ៊ីនធឺឡេកធ្យួល (Brain Intellectual School) សម្រាប់ឆ្នាំសិក្សា ២០២៥-២០២៦ ដែលពិធីនេះបានប្រព្រឹត្តទៅនៅសាលប្រជុំសណ្ឋាគារ ពេជ្រដា។ ពិធីនេះក៏មានការអញ្ជើញចូលរួមពីសំណាក់ លោក Dr. Andrew Riese អគ្គនាយក GrapeSeed ប្រចាំប្រទេសកម្ពុជា លោក បុត្រ ផល្លី នាយកសាលារៀន ប្រ៊េន អ៊ីនធឺឡេកធ្យួល ព្រមទាំងលោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្សយ៉ាងច្រើនកុះករ។

ខេត្តមណ្ឌលគិរី៖ នារសៀលថ្ងៃទី១៩ ខែកញ្ញា ឆ្នាំ២០២៦ សមាគមកាយឫទ្ធិនារីកម្ពុជា សាខាខេត្តមណ្ឌលគិរី បានរៀបចំ «ពិធីសូត្រមន្ត និងក្រុងពលី» ដើម្បីប្រសិទ្ធពរជ័យ សិរីមង្គល វិបុលសុខ ក្នុងឱកាសបើកសម្ពោធ និងប្រកាសដាក់ឱ្យប្រើប្រាស់អគារសមាគមជាផ្លូវការ ក្រោមអធិបតីភាព លោកជំទាវ ហ៊ី ផល្គុន ប្រធានក្រុមប្រឹក្សាសមាគមកាយឫទ្ធិនារីកម្ពុជា ខេត្តមណ្ឌលគិរី។ ពិធីបែបសាសនានេះ បានប្រព្រឹត្តទៅដោយមានការនិមន្តចូលរួមពីព្រះសង្ឃចំនួន ២អង្គ ព្រមទាំងមានការអញ្ជើញចូលរួមពីសំណាក់ថ្នាក់ដឹកនាំ សមាជិកា-កាយឫទ្ធិនារី និងក្រុមកន្ទុំរុយជាច្រើនរូប ដែលស្ថិតនៅទីតាំងអគារថ្មី ក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។

ឯកឧត្តម សន សារុន អនុប្រធានគណៈកម្មាធិការពិគ្រោះយោបល់ស្ត្រី និងកុមារខេត្ត បានមានប្រសាសន៍ថា វគ្គបណ្ដុះបណ្ដាលនេះ ពិតជាមានសារះសំខាន់ ដើម្បីពង្រឹងសមត្ថភាពមន្ត្រី និងអ្នកពាក់ព័ន្ធ ឱ្យមានការយល់ដឹងច្បាស់លាស់អំពីតួនាទី ភារកិច្ច និងនីតិវិធីក្នុងការឆ្លើយតបចំពោះករណីកុមាររងគ្រោះ និងកុមារងាយរងគ្រោះ ព្រមទាំងបង្កើតយន្តការសហកា រដែលមានប្រសិទ្ធភាពរវាងស្ថាប័នពាក់ព័ន្ធ។ តាមរយៈយន្តការនេះ គ្រប់ភាគីពាក់ព័ន្ធអាចធ្វើការសហការគ្នាបានកាន់តែមានប្រសិទ្ធភាព ក្នុងការកំណត់បញ្ហា ការទទួល និងបញ្ជូនករណី ការវាយតម្លៃតម្រូវការ ការផ្តល់សេវាគាំពារ និងការអន្តរាគមន៍ឱ្យបានទាន់ពេលវេលា ជាពិសេសជួយធានាថា កុមារគ្រប់រូប ទទួលបានការការពារ សិទ្ធិ សេចក្តីថ្លៃថ្នូរ និងឧត្តមប្រយោជន៍របស់ខ្លួន ដោយមិនទុកឱ្យកុមាររងគ្រោះ ឬងាយរងគ្រោះត្រូវប្រឈមនឹងបញ្ហាតែម្នាក់ឯងឡើយ។

នៅព្រឹកថ្ងៃទី​ ០៨​ ខែកញ្ញា​ ឆ្នាំ២០២៦​ លោក​ ជំទាវ​ ខៀវ​ ប៊ុនលីន​ ប្រធានគណៈកម្មាធិការពិគ្រោះយោបល់កិច្ចការស្ត្រី​ និងកុមារខេត្តមណ្ឌលគិរី​ និង​ លោកស្រី​ កែវ​ សាវឿន​ អភិបាលរងនៃគណៈអភិបាលខេត្តមណ្ឌលគិរី​ បានអញ្ជេីញជាអធិបតីភាព​ បេីកកម្មវិធីវគ្គបណ្ដុះបណ្ដាលនីតិវិធីប្រតិបត្តិកិច្ចការពារកុមារសម្រាប់រដ្ឋបាលក្រុង​ ស្រុក​ ខណ្ឌ​ ។

ខេត្តមណ្ឌលគិរី ៖ នាព្រឹកថ្ងៃទី២២ ខែកក្កដា ឆ្នាំ២០២៦ ឯកឧត្តម អ៊ុង ជិនណា អគ្គនាយកអប់រំ និងជាប្រធានគណៈកម្មការ និងលោកស្រី កែវ សាវឿន អភិបាលរងខេត្តមណ្ឌលគិរី បានអញ្ជើញចូលរួមកាត់ស្រោមវិញ្ញាសាប្រឡងជាផ្លូវការ ក្នុងការប្រឡងបញ្ចប់ឆ្នាំទី១ ទី២ និងការប្រឡងសញ្ញាបត្របច្ចេកទេសនិងវិជ្ជាជីវៈកម្រិត៣ នៅមណ្ឌលវិទ្យាល័យ ចំណេះទូទៅ និងបច្ចេកទេសមណ្ឌលគិរី ស្ថិតនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ។

ដើម្បីជាការលើកទឹកចិត្តដ៏ធំធេងសម្រាប់ប្អូនៗសិស្សានុសិស្សថ្នាក់ទី១២ នៅក្នុងខេត្តមណ្ឌលគិរី នាព្រឹកថ្ងៃសៅរ៍ ទី១៨ ខែកក្កដា ឆ្នាំ២០២៦ ឯកឧត្តម គង់ គឹមនី អភិបាលខេត្តមណ្ឌលគិរី បានអញ្ជើញជួបសំណេះសំណាលជាមួយសិស្សានុសិស្ស ដែលកំពុងរៀនបំប៉នត្រៀមប្រលងទុតិយភូមិ(បាក់ឌុប)ឆ្នាំសិក្សា២០២៥-២០២៦ និងប្រគល់ថវិកាជូនលោកគ្រូ អ្នកគ្រូ ដែលកំពុងបង្រៀន នៅវិទ្យាល័យ ហ៊ុន សែន មណ្ឌលគិរី ស្ថិតនៅក្រុងសែនមនោរម្យ។