ព័ត៌មានក្នុងខេត្ត

គិតត្រឹមថ្ងៃទី១៨ ខែកញ្ញា ឆ្នាំ២០២៦នេះ រដ្ឋបាលរាជធានីភ្នំពេញ ដោយមានមន្ទីរសាធារណការ និងដឹកជញ្ជូនរាជធានីភ្នំពេញ ជាសេនាធិការ បាននិងកំពុងអនុវត្តគម្រោងបើកផ្លូវថ្មីមួយខ្សែ ស្ថិតក្នុងសង្កាត់ស្រះចក ខណ្ឌដូនពេញ ដោយសម្រេចវឌ្ឍនភាពការងារបានប្រមាណ ៧៥% ហើយ។

នៅរសៀលថ្ងៃទី១៨ ខែកញ្ញា ឆ្នាំ២០២៦ បន្ទាប់ពីទទួលបានការណែនាំពីលោក ចេង មុនីរ៉ា អភិបាលខណ្ឌសែនសុខ ក្រុមការងាររដ្ឋបាលខណ្ឌសែនសុខ បានដាក់គ្រឿងចក្រចុះឈូសឆាយ និងលុបបំបាត់គំនរសំរាមអនាធិបតេយ្យចំនួន ២ទីតាំង ក្នុងភូមិបាយ៉ាប សង្កាត់ភ្នំពេញថ្មី។

នាព្រឹកថ្ងៃទី១៧ ខែកញ្ញា ឆ្នាំ២០២៦ គណៈបញ្ជាការឯកភាពខណ្ឌជ្រោយចង្វារ ដឹកនាំដោយលោក សែម ដារិន្ទ អភិបាលរងខណ្ឌ បានចុះរៀបចំសណ្តាប់ធ្នាប់សាធារណៈតាមបណ្ដោយផ្លូវកែងចិន្តា ក្នុងភូមិសាស្ត្រខណ្ឌជ្រោយចង្វារ រាជធានីភ្នំពេញ។

ក្នុងរយៈពេលជាង៣ឆ្នាំ គិតចាប់ពីឆ្នាំ២០២៣ ដល់ឆមាសទី១ ឆ្នាំ២០២៦ ហេតុការណ៍អគ្គិភ័យនៅទូទាំងប្រទេសបានកើតឡើងសរុប ៣.១០៣លើក។ ក្នុងនោះ កម្លាំងជំនាញនៃក្រសួងមហាផ្ទៃបានចេញអន្តរាគមន៍ទប់ស្កាត់មិនឱ្យឆេះរាលដាលក្លាយជាមហន្តរាយធ្ងន់ធ្ងរបានចំនួន ២.០៩៣លើក ខណៈ ១.០១០លើកទៀត ត្រូវបានអាជ្ញាធរមូលដ្ឋាន និងក្រុមពន្លត់អគ្គិភ័យ សហការជាមួយប្រជាពលរដ្ឋរួមគ្នាពន្លត់អគ្គិភ័យបឋមបានទាន់ពេលវេលា។

នៅរសៀលថ្ងៃពុធ ទី១៦ ខែកញ្ញា ឆ្នាំ២០២៦ វេលាម៉ោង ២:៣០នាទី រដ្ឋបាលសង្កាត់អូឡាំពិក បានរៀបចំកិច្ចប្រជុំភូមិ-សង្កាត់មានសុវត្ថិភាពប្រចាំខែកញ្ញា នៅសាលាសង្កាត់អូឡាំពិក ក្រោមអធិបតីភាពលោក ពា ហន ចៅសង្កាត់អូឡាំពិក។

គណៈកម្មការគ្រប់គ្រងផ្សារបឹងកេងកង បានសម្តែងការថ្លែងអំណរគុណយ៉ាងជ្រាលជ្រៅជូនចំពោះ ឯកឧត្តម ឃួង ស្រេង អភិបាលរាជធានីភ្នំពេញ លោក សុខ សម្បត្តិ អភិបាលខណ្ឌបឹងកេងកង និងលោកចៅសង្កាត់បឹងកេងកងទី១ ដែលបានយកចិត្តទុកដាក់ផ្តល់លូថ្មីមួយខ្សែ សម្រាប់ជំនួសលូចាស់ដែលមានសភាពចាស់ទ្រុឌទ្រោម និងមានលំហូរទឹកយឺត។

នៅក្នុងប្រតិបត្តិការពេញមួយខែសីហា ឆ្នាំ២០២៦នេះ កម្លាំងសមត្ថកិច្ចនៃក្រសួងមហាផ្ទៃបានបន្តចុះបង្ក្រាបទីតាំងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) ទ្រង់ទ្រាយតូចៗ នៅសេសសល់ចំនួន៨៥កន្លែង។ ប្រតិបត្តិការនេះ បានឃាត់ខ្លួនជនសង្ស័យ១.២៥៥នាក់ ស្មើនឹង១៣សញ្ជាតិ មានជាអាទិ៍ ចិន ៧៣២នាក់ វៀតណាម ៣២៣នាក់ ខ្មែរ៩៤នាក់ ថៃ ៥៣នាក់ ឥណ្ឌូនេស៊ី ២៤នាក់ មីយ៉ាន់ម៉ា៩នាក់ នេប៉ាល់៤នាក់ ម៉ាឡេស៊ី៤នាក់ ឥណ្ឌា ៣នាក់ ប៉ាគីស្ថាន ៣នាក់ បង់ក្លាដេស ៣នាក់ កូរ៉េ ២នាក់ និងឡាវ១នាក់ ។ នេះបើតាមរបាយការណ៍អគ្គស្នងការដ្ឋាននគរបាលជាតិ។

អាជ្ញាធរខណ្ឌសែនសុខ ចុះស្ដារ និងរៀបចំប្រព័ន្ធលូឡើងវិញ ដើម្បីដោះស្រាយបញ្ហាកកស្ទះ និងជំនន់ទឹកភ្លៀង ប្រភពមកពី : រដ្ឋបាលខណ្ឌសែនសុខ រដ្ឋបាលរាជធានីភ្នំពេញ រដ្ឋបាលខណ្ឌសែនសុខ រាជធានីភ្នំពេញ

ចាប់តាំងពីព្រឹកថ្ងៃសុក្រ ទី១១ ខែកញ្ញា ឆ្នាំ២០២៦ រដ្ឋបាលខណ្ឌសែនសុខ សហការជាមួយមន្ទីរសាធារណការ និងដឹកជញ្ជូនរាជធានីភ្នំពេញ បានដាក់រថយន្តបូមទឹក និងគ្រឿងចក្រចុះប្រតិបត្តិការបើកគម្របអណ្តូងលូ បូម និងស្តារសម្អាតដីល្បាប់ សំរាម ព្រមទាំងកាកសំណល់ផ្សេងៗចេញពីក្នុងអណ្តូងលូ និងប្រព័ន្ធលូ ដើម្បីសម្រួលលំហូរទឹកឱ្យហូរបានលឿន និងបញ្ចៀសការលិចលង់នៅពេលមានភ្លៀងធ្លាក់ខ្លាំង។

នៅព្រឹកថ្ងៃទី១២ ខែកញ្ញា ឆ្នាំ២០២៦នេះ ស្ថានីយ៍បូមទឹកទួលសំពៅ បាននិងកំពុងដំណើរការម៉ូទ័របូមទឹកធំៗចំនួន ៧គ្រឿងយ៉ាងសកម្ម ដោយបូមទឹកក្នុងល្បឿនលឿន ដើម្បីសម្រួលស្ថានភាពជំនន់ទឹកភ្លៀង និងជួយកាត់បន្ថយការលិចលង់ជូនប្រជាពលរដ្ឋនៅក្នុងរាជធានីភ្នំពេញ។

មន្ត្រីនគរបាលជាច្រើនរូបមកពីប៉ុស្តិ៍រដ្ឋបាលក្នុងខណ្ឌទាំង ១៤ នៃរាជធានីភ្នំពេញ បានចូលរួមសិក្ខាសាលាស្ដីពី «ការយល់ដឹងអំពីបេតិកភណ្ឌវប្បធម៌រូបី និងកិច្ចការពារបេតិកភណ្ឌរូបីថ្នាក់រាជធានី» ដែលរៀបចំដោយមន្ទីរវប្បធម៌ និងវិចិត្រសិល្បៈរាជធានីភ្នំពេញ នាព្រឹកថ្ងៃទី១១ ខែកញ្ញា ឆ្នាំ២០២៦ ក្រោមអធិបតីភាពឯកឧត្តម ប្រាក់ សុណ្ណារ៉ា រដ្ឋលេខាធិការក្រសួងវប្បធម៌ និងវិចិត្រសិល្បៈ

នាយកដ្ឋានប្រឆាំងបទល្មើសបច្ចេកវិទ្យា បានបើកប្រតិបត្តិការស្រាវជ្រាវ និងបង្ក្រាបករណីឆបោកប្រាក់តាមបណ្ដាញសង្គម ក្រោមរូបភាពលួងលោមស្នេហា ដោយឃាត់ខ្លួនស្ត្រីម្នាក់ ដែលត្រូវបានសង្ស័យថា បានលក់លេខទូរសព្ទ និងគណនីធនាគាររបស់ខ្លួនឱ្យក្រុមឧក្រិដ្ឋជនយកទៅប្រើប្រាស់ក្នុងសកម្មភាពឆបោក។