ព័ត៌មានក្នុងខេត្ត

គិតត្រឹមថ្ងៃទី០៥ ខែវិច្ឆិកា ឆ្នាំ២០២៦ នេះ រដ្ឋបាលរាជធានីភ្នំពេញ ដោយមានមន្ទីរសាធារណការ និងដឹកជញ្ជូនរាជធានីភ្នំពេញ ជាសេនាធិការ សហការជាមួយក្រុមហ៊ុនជំនាញៗ បានបញ្ចប់ប្រកបដោយជោគជ័យនូវការងារគូសគំនូសសញ្ញាចរាចរឡើងវិញ និងលាបថ្នាំរបាំងបែងចែកទ្រូងមហាវិថីព្រះមុនីវង្ស សម្រេចបាន ១០០% ដោយធានាបាននូវគុណភាពខ្ពស់ និងសុវត្ថិភាពក្នុងការអនុវត្តការងារ។

អនុវត្តតាមបទបញ្ជាផ្ទាល់ពី ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ កម្លាំងគណៈបញ្ជាការឯកភាពរដ្ឋបាលខណ្ឌពោធិ៍សែនជ័យ បានចុះប្រតិបត្តិការត្រួតពិនិត្យ និងបិទឃ្លុំបិទទីតាំងសង្ស័យលួចលាក់បើកល្បែងស៊ីសងខុសច្បាប់មួយកន្លែង ស្ថិតនៅតាមបណ្ដោយផ្លូវ ១១៣K ក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ

រដ្ឋបាលរាជធានីភ្នំពេញ ដោយមានមន្ទីរសាធារណការ និងដឹកជញ្ជូនរាជធានីភ្នំពេញជាសេនាធិការ សហការជាមួយក្រុមហ៊ុនជំនាញ CTM កំពុងរំកិលការងារអ៊ុតបេតុងកៅស៊ូ (AC) ថ្មី លើកំណាត់មហាវិថីសម្តេចអគ្គមហាសេនាបតីតេជោ ហ៊ុន សែន (ផ្លូវ ៦០ម៉ែត្រ) ដែលរហូតមកទល់ពេលនេះ សម្រេចលទ្ធផលបានរហូតដល់ ៩០% ហើយ។

រដ្ឋបាលខណ្ឌពោធិ៍សែនជ័យ បានរៀបចំ «សិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២៧-២០២៩) របស់សង្កាត់-ខណ្ឌ» នៅព្រឹកថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែតុលា ឆ្នាំ២០២៦ នេះ។

ដោយអនុវត្តតាមផែនការដឹកនាំផ្ទាល់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កម្លាំងសមត្ថកិច្ចចម្រុះបានចុះប្រតិបត្តិការបង្ក្រាបទីតាំងសញ្ចារកម្ម និងសញ្ចារកម្មពេស្យាចារទាក់ទងនឹងកុមារមួយកន្លែង ដោយឃាត់ខ្លួនមនុស្សចំនួន ២៤នាក់ និងរឹបអូសបានវត្ថុតាងមួយចំនួន។

រដ្ឋបាលខណ្ឌដង្កោ បានចេញសេចក្តីបកស្រាយ និងជម្រាបជូនសាធារណជន ព្រមទាំងអ្នកប្រើប្រាស់បណ្តាញសង្គម Facebook និង TikTok ពាក់ព័ន្ធនឹងការរះគន់នាពេលថ្មីៗនេះ ដែលចោទប្រកាន់ថាអាជ្ញាធរខ្វះការយកចិត្តទុកដាក់ និងគ្មានសមត្ថភាពក្នុងការធ្វើផ្លូវ នៅចំណុចផ្លូវ ឈុន គង់ តភ្ជាប់មកផ្លូវបេតុងភូមិរលួស សង្កាត់ជើងឯក ខណ្ឌដង្កោ។

នគរបាល បំពាក់កាមេរ៉ាគ្រប់គោលដៅអនុវត្តច្បាប់ចរាចរណ៍ ដើម្បីជម្រុញពលរដ្ឋចូលរួមគោរពច្បាប់ និងពង្រឹងការអនុវត្តរបស់មន្ត្រី

គម្រោងដាក់លូធំអង្គត់ផ្ចិត១ម៉ែត្រ (សម្រេចបានជាង៣៤០០ម៉ែត្រ ) និងពង្រីកផ្លូវកំណាត់មហាវិថី ៦០ម៉ែត្រ ទំនាក់ទំនង អាកាសយន្តដ្ឋានអន្តរជាតិ មរតកតេជោ សង្កាត់ចាក់អង្រែក្រោម ខណ្ឌមានជ័យ

ក្នុងរយៈពេល៧ថ្ងៃ រាប់ចាប់ពីថ្ងៃទី១៣ ដល់ថ្ងៃទី១៩ ខែតុលា ឆ្នាំ២០២៦ អាជ្ញាធរគ្រប់មូលដ្ឋានចាប់ពីថ្នាក់រាជធានី ខេត្ត ក្រុង ស្រុក ខណ្ឌ រហូតដល់ឃុំ សង្កាត់ បានបន្តចុះផ្សព្វផ្សាយគោលនយោបាយភូមិ-ឃុំ-សង្កាត់មានសុវត្ថិភាព បានប្រមាណជាង៣ពាន់លើកនៅទូទាំងប្រទេស។ សកម្មភាពនេះ បានប្រព្រឹត្តទៅ នៅតាមវេទិកាសាធារណៈ តាមខ្នងផ្ទះ សាលារៀន វត្តអារាម និងសហគមន៍ ដោយមានការចូលរួមពីប្រជាពលរដ្ឋសរុបជាង១១ម៉ឺននាក់។

ប្រជាពលរដ្ឋជាជនជាតិខ្មែរ និងអាណិកជនវៀតណាម រស់នៅខណ្ឌព្រែកព្នៅ ប្រមាណជាង២៣០០នាក់ទទួលបានការពិនិត្យជំងឺ និងផ្តល់ថ្នាំពេទ្យ ដោយឥតគិតថ្លៃ ពីក្រុមគ្រូពេទ្យស្ម័គ្រចិត្ត កម្ពុជា-វៀតណាម ជាមួយនិងការផ្តល់អំណោយជាគ្រឿងឧបភោគ បរិភោគនិងថវិកាផងដែរ ក្រោយពីពិនិត្យជំងឺ និងផ្តល់ថ្នាំពេទ្យជូនរួច។

នៅរសៀលថ្ងៃទី០៧ ខែតុលា ឆ្នាំ២០២៦ លោក ចេង មុនីរ៉ា អភិបាលខណ្ឌសែនសុខ និងលោកស្រី គឹម ញឹប អភិបាលខណ្ឌដង្កោ បានដឹកនាំក្រុមការងារ អញ្ជើញចុះសួរសុខទុក្ខ និងសំណេះសំណាលជាមួយកងទ័ពនៃកងវរសេនាតូចលេខ៣៩៤ ដែលកំពុងឈរជើងនៅតំបន់មុំបី ខេត្តព្រះវិហារ។

ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ មានរយៈពេល ៥៥ថ្ងៃ ចាប់ពីថ្ងៃទី៧ ខែតុលា រហូតដល់ថ្ងៃទី៣០ ខែវិច្ឆិកា ឆ្នាំ២០២៦។ ការងារនេះធ្វើឡើងរៀងរាល់ថ្ងៃ រួមទាំងថ្ងៃសៅរ៍ និងថ្ងៃអាទិត្យ ចាប់ពីម៉ោង៧ព្រឹក ដល់ម៉ោង១១:៣០នាទីព្រឹក និងពីម៉ោង២រសៀល ដល់ម៉ោង៥:៣០នាទីល្ងាច នៅតាមសាលាឃុំ-សង្កាត់ និងទីតាំងដែលបានកំណត់នៅតាមមូលដ្ឋាន។