ព័ត៌មានក្នុងខេត្ត

សូមលោកអ្នកត្រៀមខ្លួនឱ្យរួចរាល់ដើម្បីចូលរួមទទួលយកបទពិសោធន៍ដ៏រំភើប និងស្ញប់ស្ញែងបំផុតចំពោះទេពកោសល្យស្នាដៃនៃបុព្វបុរសខ្មែរ នៅដើមសប្តាហ៍ខាងមុខ។ ព្រឹត្តិការណ៍ សមរាត្រី (Angkor Equinox) នារដូវវស្សាឆ្នាំ២០២៦ នឹងឈានចូលមកដល់នៅដើមសប្តាហ៍ក្រោយនេះ។ នេះជាបាតុភូតធម្មជាតិដ៏អស្ចារ្យដែលថ្ងៃនិងយប់មានរយៈពេលស្មើគ្នា ហើយជាពេលវេលាដែលពន្លឺព្រះអាទិត្យពណ៌មាស នឹងរះឡើងត្រង់ចំកំពូលកណ្ដាលនៃប្រាសាទអង្គរវត្តយ៉ាងល្អឯក។

៖ ព្រឹត្តិការណ៍អព្ភូតហេតុធម្មជាតិ និងស្ថាបត្យកម្ម «សមរាត្រីអង្គរ» នឹងត្រឡប់មកវិញនៅចុងខែកញ្ញា ឆ្នាំ២០២៦

បទយកការណ៍៖ ធិបតីបញ្ចកោណ, ស្ទឹងត្រែង ពន្លឺថ្មីដែនដីឦសាន។ សូមទស្សនាវីដេអូបទយកការណ៍អំពីសមិទ្ធផល​ និងចំណាប់អារម្មណ៍របស់ប្រជាពលរដ្ឋ​ និងថ្នាក់ដឹកនាំខេត្តស្ទឹងត្រែង​ ដែលកំពុងរស់នៅ​ និងដឹកនាំរួមគ្នាក្នុងការអនុវត្តគោលនយោបាយរបស់រាជរដ្ឋាភិបាល​ លេីកកម្ពស់ជីវភាពរស់នៅ​ និងពង្រឹងពង្រីកកែច្នៃដេីម្បីបង្កេីតសមិទ្ធផលថ្មីជាផលប្រយោជន៍រួម។

ផ្លូវថ្មើរជើងចតុមុខ (Walk Street) យប់​នេះ​ មានបងប្អូនប្រជាពលរដ្ឋមកដើរលេងកម្សាន្តប្រមាណចំនួន​ ១០ម៉ឺននាក់ ក្នុងនោះភ្ញៀវបរទេសប្រហែល​ ១,០០០នាក់ ខណៈមហាជនមានការគាំទ្រយ៉ាងពេញទំហឹងពីមួយសប្តាហ៍ទៅមួយសប្តាហ៍ ហើយកម្លាំងសមត្ថកិច្ចគ្រប់ប្រភេទ និងអាជ្ញាធរ រក្សាបាននូវសន្តិសុខ សណ្តាប់សុវត្ថិភាពសង្គម និងបរិស្ថាន អនាម័យស្អាតជាប់ជាប្រចាំ។

ព្រឹត្តិការណ៍ «រត់ប្រណាំងម៉ារ៉ាតុងចក្រភពអង្គរ លើកទី១១» (11th Angkor Empire Marathon) នឹងប្រព្រឹត្តទៅជាផ្លូវការនៅថ្ងៃទី២ ខែសីហា ឆ្នាំ២០២៦ វេលាម៉ោង ៤:១០នាទីព្រឹក នៅបរិវេណមុខប្រាសាទអង្គរវត្ត ដោយរំពឹងថានឹងទាក់ទាញអ្នករត់ប្រណាំង និងភ្ញៀវទេសចរជាតិ-អន្តរជាតិចូលរួមយ៉ាងច្រើនកុះករ។

កម្ពុជា​ស្វាគមន៍​អ្នក​ដំណើរចេញ-ចូល ​តាមផ្លូវ​អាកាស​ជាង ៣,២ ​លាននាក់ ​នៅឆមាសទី១ ឆ្នាំនេះ

ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងជាប្រធានអនុគណៈកម្មការទី៤ (សន្តិសុខ សណ្តាប់ធ្នាប់ និងសង្រ្គោះ) នៃកិច្ចប្រជុំពូលហ្រ្វង់កូហ្វូនី នៅវេលាម៉ោង៨យប់ថ្ងៃទី១៣ ខែកក្កដា ឆ្នាំ២០២៦ស្អែកនេះ កងកម្លាំងនគរបាល នៃនាយកដ្ឋានអង្គរក្ស អគ្គស្នងការដ្ឋាននគរបាលជាតិ នឹងធ្វើហាត់សមក្បួនហែរអមទ្រង់ទ្រាយធំលើកទី៣ ចាប់ពីកោះពេជ្រ រហូតដល់អាកាសដ្ឋានអន្ដរជាតិតេជោ ដែលជាការហ្វឹកហាត់ក្បួនហែរអម ត្រៀមការពារសន្ដិសុខ សណ្ដាប់ធ្នាប់ និងសុវត្ថិភាព ក្នុងកិច្ចប្រជុំពូលហ្រ្វង់កូហ្វូនី ដែលកម្ពុជាធ្វើជាម្ចាស់ផ្ទះនាពេលខាងមុខ។

ប្រទេសកម្ពុជាត្រូវបានវាយតម្លៃឱ្យជាប់ចំណាត់ថ្នាក់លេខ១ លើពិភពលោក ផ្នែកនិរន្តរភាពដី និងធនធាន (Land and Resource Sustainability) ប្រចាំឆ្នាំ២០២៦ ដោយស្ថាប័នស្រាវជ្រាវ និងទស្សនាវដ្តីដ៏ល្បីរបស់សហរដ្ឋអាមេរិក U.S. News & World Report។ នេះបើយោងតាមការផ្សព្វផ្សាយរបស់បណ្តាញសារព័ត៌មាន SEA Infographics កាលពីថ្ងៃទី២៦ ខែមិថុនា ឆ្នាំ២០២៦។