ព័ត៌មានក្នុងខេត្ត

ម) ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន និងជាប្រធានក្រុមរដ្ឋសភាកម្ពុជានៃសភាវ័យក្មេង ថ្មីៗនេះបានអញ្ជើញជាអធិបតី រួមជាមួយ ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ក្នុងពិធីចុះសំណេះសំណាល និងចែកសម្ភារសិក្សាជូនដល់សិស្សានុសិស្សនៅសាលាបឋមសិក្សា ហ៊ុន សែន សូរគង ស្ថិតក្នុងខេត្តកំពង់ចាម។

វីដេអូ៖ សម្តេចមហាបវរធិបតី ហ៊ុន ម៉ាណែត មានប្រសាសន៍ថា រាជរដ្ឋាភិបាលបានដាក់ចេញយុទ្ធសាស្ត្របញ្ចកោណ ដែលជាយុទ្ធសាស្ត្រអភិវឌ្ឍសង្គម សេដ្ឋកិច្ចជាតិរយៈពេលវែង ដោយបន្តផ្តល់អាទិភាពទី១ដល់ មនុស្ស និងបន្ថែមអាទិភាពថ្មី គឺ បច្ចេកវិទ្យា សំដៅផ្លាស់ប្ដូរខឿនសេដ្ឋកិច្ចកម្ពុជា ពីសេដ្ឋកិច្ចពឹងផ្អែកលើកម្លាំងពលកម្ម ទៅជាសេដ្ឋកិច្ចពឹងផ្អែកលើជំនាញ និងបច្ចេកវិទ្យា។

វីដេអូ៖ សម្តេចមហាបវរធិបតី ហ៊ុន ម៉ាណែត មានប្រសាសន៍វាយតម្លៃខ្ពស់ចំពោះការប្រឹងប្រែង និងការទទួលខុសត្រូវ របស់ក្រសួងអប់រំ យុវជន និង កីឡា ក្នុងការសិក្សាដាក់ចេញគោលនយោបាយយុទ្ធសាស្ត្រ និងកម្មវិធីកែទម្រង់នានា ទាក់ទងនឹងការអប់រំបណ្ដុះបណ្តាល និងសិក្សាស្រាវជ្រាវ ដែលបាននិងកំពុងកែលម្អ វិស័យអប់រំនៅកម្ពុជាជាលំដាប់។

វីដេអូ៖ សម្តេចមហាបវរធិបតី ហ៊ុន ម៉ាណែត មានប្រសាសន៍ថា សាលាមិនមែនគ្រាន់តែជាមជ្ឈមណ្ឌលដើម្បីតែផ្ដល់សញ្ញាបត្រ ឬមួយក៏ផ្ដល់ពិន្ទុល្អឱ្យសិស្សនោះទេ ប៉ុន្ដែសាលាគួរតែជាកន្លែង​ដែលដាក់របៀបបង្រៀន លក្ខខណ្ឌបែបនេះ ដើម្បីឱ្យសិស្សយកសញ្ញាបត្រនោះ បូកជាមួយនឹងជំនាញដែលគាត់បានពិន្ទុប៉ុន្មានក៏ដោយ ក៏ប៉ុន្ដែពេលចេញ​ទៅវិញរបៀបរបបដែលគាត់យកពិន្ទុ និងចំណេះរបស់គាត់ គឺច្បាស់លាស់។ សម្តេចមហាបវរធិបតី ហ៊ុន ម៉ាណែត បន្តថា កុំភ្លេចថា បើសិស្សម្នាក់ៗអត់ច្បាស់លាស់ ប្រទេសជាតិមួយ​នឹងមានធនធានមនុស្សដែលលំបាក​។

វីដេអូ៖ សម្តេចមហាបវរធិបតី ហ៊ុន ម៉ាណែត មានប្រសាសន៍ចំពោះគ្រឹះស្ថានអប់រំថា កុំទម្លាក់គុណភាព ដើម្បីប្រកួតប្រជែង។

នារសៀលថ្ងៃទី០៤ ខែសីហា ឆ្នាំ២០២៦ លោក រឿន រិទ្ធីពង្ស ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានីភ្នំពេញ បានដឹកនាំមន្ត្រីជំនាញចុះសួរសុខទុក្ខ និងនាំយកអំណោយដ៏ថ្លៃថ្លារបស់ ឯកឧត្តម ជា សុមេធី រដ្ឋមន្ត្រី ក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន ទៅប្រគល់ជូនគ្រួសារក្មេងស្រីរេីសអេតចាយដែល បាន ស្លាប់ បាត់ បង់ ជីវិត យ៉ាង អាណោចអាធ័មដោយ សារ គ្រោះថ្នាក់ ចរាចរណ៍ កាលពី ថ្ងៃទី ២ខែ សីហា ឆ្នាំ ២០២៦។

រដ្ឋបាលរាជធានីភ្នំពេញ បន្តចុះស្តារប្រឡាយ និងប្រព័ន្ធលូក្នុងខណ្ឌទួលគោក ដើម្បីដោះស្រាយ និងបញ្ចៀសការជន់លិចក្នុងរដូវវស្សា

ក្រុមការងាររបស់រដ្ឋបាលរាជធានីភ្នំពេញ បានបន្តចុះស្តារប្រឡាយ និងប្រព័ន្ធលូ ជាអាទិភាពនៅក្នុងភូមិសាស្ត្រខណ្ឌទួលគោកបន្តទៀត ក្រោយពីធ្វើសកម្មភាពស្តារប្រព័ន្ធលូ នៅភូមិសាស្ត្រខណ្ឌដូនពេញ ចំការមន និងខណ្ឌ៧មករារួច និងបន្ទាប់ពីបានស្តារប្រព័ន្ធលូ ស្តារប្រឡាយ ជាច្រើន ខ្សែ និងស្ថាបនាស្ថានីយ៍មូមទឹកជាបន្តបន្ទាប់ខណ្ឌជាយរាជធានីភ្នំពេញ។

ក្រុមប្រឹក្សាគណៈគិលានុបដ្ឋានជាតិ បានចេញសេចក្ដីសម្រេចផ្អាកអាជ្ញាបណ្ណប្រកបវិជ្ជាជីវៈរយៈពេល ២ឆ្នាំ ចំពោះលោក ឈុន ផល្លី ដែលបានអនុវត្តមិនត្រឹមត្រូវតាមលក្ខណៈបច្ចេកទេសសង្គ្រោះបឋម បន្ទាប់ពីមានការរិះគន់យ៉ាងក្តៅគគុកពីសាធារណជននាពេលថ្មីៗនេះ។

ក្រសួងបរិស្ថានបានសម្រេចតម្រូវឱ្យក្រុមហ៊ុន ASIA EUROPE METAL KH CO., LTD. ដែលមានទីតាំងស្ថិតនៅភូមិមនោណុប ឃុំជំពូវន្ត ស្រុកជុំគិរី ខេត្តកំពត បំពេញបែបបទ និងនីតិវិធីស្របតាមក្រមបរិស្ថាន និងធនធានធម្មជាតិឱ្យបានត្រឹមត្រូវ មុនពេលអនុញ្ញាតឱ្យដំណើរការផលិតកម្ម បន្ទាប់ពីរកឃើញថាក្រុមហ៊ុនបានដំណើរការដោយមិនទាន់មានរបាយការណ៍វាយតម្លៃហេតុប៉ះពាល់បរិស្ថាន (EIA) និងគ្មានលិខិតអនុញ្ញាតបញ្ចេញសំណល់។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យគណៈប្រតិភូប្រមុខមុខងារសាធារណៈអាស៊ាន ដែលដឹកនាំដោយ ឯកឧត្តមបណ្ឌិត Zudan Arif Fakrulloh ប្រធានទីភ្នាក់ងារជាតិមុខងារសាធារណៈជាតិ នៃសាធារណរដ្ឋឥណ្ឌូណេស៊ី ចូលជួបសម្ដែងការគួរសម និងពិភាក្សាការងារ នៅខេត្តសៀមរាប។

ក្នុងឆមាសទី១ ឆ្នាំ២០២៦នេះ អនុវត្តតាមគោលនយោបាយ “ភូមិ-ឃុំ-សង្កាត់មានសុវត្ថិភាព” រដ្ឋបាលរាជធានីភ្នំពេញ ដឹកនាំដោយឯកឧត្តម ឃួង ស្រេង អភិបាល និងជាប្រធានគណៈបញ្ជាការឯកភាពរាជធានីភ្នំពេញ បានយកចិត្តទុកដាក់ខ្ពស់ក្នុងការបន្តរក្សាបាននូវសន្តិសុខ សណ្តាប់ធ្នាប់សាធារណៈយ៉ាងល្អប្រសើរជូនប្រជាជនក្នុងមូលដ្ឋាន តាមរយៈការទប់ស្កាត់ និងបង្ក្រាបបទល្មើសព្រហ្មទណ្ឌ បទល្មើសគ្រឿងញៀន អំពើជួញដូរមនុស្ស សកម្មភាពក្រុមក្មេងទំនើង ល្បែងស៊ីសងខុសច្បាប់ជាដើម បានចំនួន ២១៨/២៣៧ករណី ថយចុះ ១៩ករណី ក្នុងនោះគណៈបញ្ជាការឯកភាពរដ្ឋបាលរាជធានីភ្នំពេញ បានម្ចាស់ការបង្ក្រាបបទល្មើសទាំងនេះ សរុបចំនួន ២០៩/២១៨ករណី ស្មើនឹង ៩៥,៨៧% នៃចំនួនបទល្មើសរួម និងឃាត់ខ្លួនបានចំនួន ២៦៩នាក់។