លោកជំទាវបានអំពាវនាវ និងសំណូមពរដល់មាតាបិតា អាណាព្យាបាលទាំងអស់ ត្រូវយកចិត្តទុកដាក់អប់រំណែនាំកូនចៅឱ្យដើរតាមផ្លូវល្អ ជៀសឆ្ងាយពីគ្រឿងញៀន និងអំពើអបាយមុខផ្សេងៗ ប្រសិនបើគ្រួសារមានសុភមង្គល ចេះយោគយល់អធ្យាស្រ័យគ្នា និងមានសីលធម៌រស់នៅល្អ នោះសង្គមជាតិទាំងមូលនឹងមាន សុវត្ថិភាព ស្ថិរភាព និងការអភិវឌ្ឍប្រកបដោយចីរភាព។
ឯកឧត្តម ហ៊ឹម សុទិត្យា រដ្ឋលេខាធិការក្រសួងព័ត៌មាន និងជាសមាជិកក្រុមការងារអនុគណៈកម្មការព័ត៌មាន និងផ្សព្វផ្សាយ បានឱ្យដឹងថា ការរៀបចំពិព័រណ៍រូបភាព ក្នុងព្រឹត្តិការណ៍កម្ពុជាធ្វើជាម្ចាស់ផ្ទះសន្និសីទអន្តរជាតិ ស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ICCOS) គឺដើម្បីបង្ហាញពីសកម្មភាព និងការប្តេជ្ញាចិត្តរបស់កម្ពុជា ក្នុងការបោសសម្អាតការឆបោកតាមប្រព័ន្ធបច្ចេកវិទ្យា។
នៅក្នុងឆ្នាំ២០២៦នេះ រដ្ឋបាលសង្កាត់ទួលទំពូង១ ខណ្ឌចំការមន ទទួលបានកញ្ចប់ថវិកាវិភាជន៍ពីរាជរដ្ឋាភិបាលសរុបចំនួន ២០៣,៩៦៤,០០០ រៀល សម្រាប់ប្រើប្រាស់លើការងារអភិវឌ្ឍន៍មូលដ្ឋាន ដោយបានតម្រង់ទិសលើការសាងសង់បណ្តាញលូថ្មីចំនួន ២៨ខ្សែ ដែលមានប្រវែងសរុប ១.៤៧៨ ម៉ែត្រ។
នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត ស្នើឱ្យមានការបង្កើននូវកិច្ចសហប្រតិបត្តិការអន្តរជាតិពីបណ្ដាប្រទេស និងភាគីពាក់ព័ន្ធ ដើម្បីរួមគ្នាសម្រាប់ការប្រយុទ្ធប្រឆាំងឧក្រិដ្ឋកម្មឆបោកតាមប្រព័ន្ធបច្ចេកវិទ្យា (Online Scams)។ ខណៈកម្ពុជាបង្ហាញនូវការប្ដេជ្ញាចិត្តមិនរាថយចំពោះការចាត់វិធានការក្នុងការបោសសម្អាតលើឧក្រិដ្ឋកម្មមួយនេះ។
ពីប្រទេសដែលធ្វើជាម្ចាស់ផ្ទះសន្និសីទអន្តរជាតិ ស្តីពីការប្រយុទ្ធប្រឆាំងការឆបោកតាមអនឡាញ កម្ពុជាត្រូវបានអង្គការនគរបាលព្រហ្មទណ្ឌអន្តរជាតិ (INTERPOL) អញ្ជើញឱ្យចូលរួមក្នុង «Task Force Shadow Storm» ដែលជាក្រុមការងារដំបូងរបស់ INTERPOL ផ្តោតលើការប្រយុទ្ធប្រឆាំងបណ្តាញឆបោកអនឡាញ។
