ព័ត៌មានក្នុងខេត្ត

នៅព្រឹកថ្ងៃព្រហស្បតិ៍ ១១កើត ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៥ ខែមិថុនា ឆ្នាំ២០២៦ មានការរៀបចំពិធីបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យដីធ្លី សម្រាប់ទីតាំងដែលស្ថិតក្នុងភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។

គិតត្រឹមថ្ងៃទី២៥ ខែមិថុនា ឆ្នាំ២០២៦ គម្រោងស្ថាបនាផ្លូវបេតុងឆ្អឹងដែកថ្មី ប្រវែងជាង ១,០០០ម៉ែត្រ ស្ថិតក្នុងសង្កាត់ស្វាយប៉ាក ខណ្ឌឫស្សីកែវ របស់រដ្ឋបាលរាជធានីភ្នំពេញ សម្រេចបានវឌ្ឍនភាពគួរជាទីមោទនៈ ដោយអនុវត្តស្របតាមផែនការដែលបានកំណត់ និងយកចិត្តទុកដាក់ខ្ពស់លើសុវត្ថិភាពការដ្ឋាន។

ពលរដ្ឋសប្បាយចិត្តខណៈអាជ្ញាធរ បន្តចុះស្ដារប្រព័ន្ធលូរ ជៀសវៀង បង្កការរាំងស្ទះដល់ចរន្តបង្ហូរទឹក ក្នុងរដូវវស្សានេះ

អនុវត្តតាមការចង្អុលបង្ហាញយ៉ាងម៉ឺងម៉ាត់ពី លោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ ក្នុងការលុបបំបាត់ល្បែងស៊ីសងខុសច្បាប់គ្រប់ប្រភេទក្នុងមូលដ្ឋាន កាលពីវេលាម៉ោង ១៥:០០នាទីរសៀល ថ្ងៃទី២២ ខែមិថុនា ឆ្នាំ២០២៦ កម្លាំងអាជ្ញាធរខណ្ឌ បានចុះបង្ក្រាបទីតាំងលេងល្បែងស៊ីសងខុសច្បាប់ចំនួន ៥ទីតាំង។

ក្រោមការដឹកនាំ និងបញ្ជាផ្ទាល់របស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ នៅថ្ងៃទី២២ ខែមិថុនា ឆ្នាំ២០២៦ម្សិលម៉ិញនេះបានដឹកនាំគណៈបញ្ជាការឯកភាពរដ្ឋបាលខណ្ឌទាំង១៤ ចុះត្រួតពិនិត្យ និងផ្សព្ធផ្សាយអនុក្រឹត្យលេខ០៣ នៅតាមទីតាំងអគារខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្ររាជធានីភ្នំពេញបានចំនួន ៦៤ទីតាំង រកឃើញជនបរទេសស្នាក់នៅសរុប ចំនួន ៣០៦នាក់ (ស្រី ៩០នាក់) មានលិខិតឆ្លងដែនត្រឹមត្រូវ។

ភ្នំពេញ៖ នាថ្ងៃចន្ទ ទី២២ ខែមិថុនា ឆ្នាំ២០២៦ គណៈបញ្ជាការឯកភាពរដ្ឋបាលខណ្ឌដង្កោ បានបន្តយុទ្ធនាការចុះត្រួតពិនិត្យរដ្ឋបាលយ៉ាងសកម្មនៅតាមបណ្តាទីតាំងនានាក្នុងភូមិសាស្ដ្ររបស់ខ្លួន ដើម្បីពង្រឹងសន្តិសុខ សណ្តាប់ធ្នាប់សាធារណៈ និងធានាសុវត្ថិភាពជូនប្រជាពលរដ្ឋ។

មន្ត្រីអធិការកិច្ចម្ហូបអាហារ នៃអគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង (ក.ប.ប.) ក្រសួងពាណិជ្ជកម្ម បានចុះត្រួតពិនិត្យទំនិញនៅហាង «ចរណៃ» ដែលជាកន្លែងលក់ និងចែកចាយត្រីក្លាសេ និងផលិតផលម្ហូបអាហារ ជាពិសេសត្រីសាម៉ុន និងត្រីត្រោត។ ការត្រួតពិនិត្យនៅថ្ងៃទី២២ ខែមិថុនា ឆ្នាំ២០២៦ បានរកឃើញថា ហាង «ចរណៃ» បានបង្ហាញ និងលក់ផលិតផលដែលអាចធ្វើឱ្យអ្នកប្រើប្រាស់មានការភាន់ច្រឡំរវាងត្រីសាម៉ុន និងត្រីត្រោត ដែលជាសកម្មភាពមិនស្របតាមច្បាប់ស្តីពីសុវត្ថិភាពម្ហូបអាហារ។

ដោយអនុវត្តតាមបទបញ្ជារបស់លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី២០ ខែមិថុនា ឆ្នាំ២០២៦ វេលាម៉ោង០០:១៥នាទីអាធ្រាត លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាន និងលោកវរសេនីយ៍ឯក ញ៉ែម វ៉ន នាយការិយាល័យ បានដឹកនាំកម្លាំងជំនាញ ធ្វើការឃាត់ខ្លួនជនសង្ស័យចំនួន០៣នាក់ ត្រង់ចំណុចផ្លូវលេខ៤៧ កែងផ្លូវលេខ៩០ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

នាថ្ងៃចន្ទ ៨កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែមិថុនា ឆ្នាំ២០២៦ មន្ត្រីអត្រានុកូលដ្ឋាននៃរដ្ឋបាលសង្កាត់អូឡាំពិក ខណ្ឌបឹងកេងកង បានបន្តផ្តល់សេវាសាធារណៈជូនប្រជាពលរដ្ឋក្នុងមូលដ្ឋាន ដោយអនុវត្តការចុះសំបុត្រអាពាហ៍ពិពាហ៍ និងប្រគល់ឯកសារជូនដល់សាមីខ្លួនតាមយន្តការច្រកចេញចូលតែមួយ ប្រកបដោយភាពរហ័សរហួន និងតម្លា

នាព្រឹកថ្ងៃចន្ទ ៨កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែមិថុនា ឆ្នាំ២០២៦ ក្រុមការងារចម្រុះនៃរដ្ឋបាលខណ្ឌ៧មករា បានបន្តចុះប្រតិបត្តិការត្រួតពិនិត្យយ៉ាងសកម្មនៅតាមទីតាំងសង្ស័យមួយចំនួន ក្នុងគោលដៅបង្ការ និងទប់ស្កាត់បទល្មើសឆបោកតាមប្រព័ន្ធបច្ចេកវិទ្យា (Online Scams) នៅក្នុងភូមិសាស្ត្ររបស់ខ្លួន។

នៅថ្ងៃអាទិត្យ ទី២១ ខែមិថុនា ឆ្នាំ២០២៦នេះ នៅទីស្នាក់ការគណបក្សប្រជាជនកម្ពុជាខណ្ឌឫស្សីកែវ លោក ជិន ប៊ុនធឿន ប្រធានគណបក្សប្រជាជនកម្ពុជាខណ្ឌឫស្សីកែវ បានអញ្ជើញជាអធិបតីក្នុងពិធីជួបសំណេះសំណាលជាមួយសិក្ខាកាមចំនួន ៤៣នាក់ ដែលទើបបានបញ្ចប់ការចូលរួមវគ្គបណ្តុះបណ្តាលស្តីពី «ជនបង្គោលលើការងារមហាជន» ថ្នាក់ខណ្ឌ-សង្កាត់ ប្រចាំខណ្ឌឫស្សីកែវ។

កម្លាំងជំនាញ នាយកដ្ឋានប្រឆាំងបទល្មើសបច្ចេកវិទ្យា សហការជាមួយនាយកដ្ឋានសន្តិសុខផ្ទៃក្នុង និងកម្លាំងស្នងការដ្ឋាននគរបាលខេត្តត្បូងឃ្មុំ បំបែកករណីជនល្មើសប្រើប្រាស់គណនីតេឡេក្រាម ដោយយករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់។