ព័ត៌មានក្នុងខេត្ត

ដើម្បីការពារ និងលើកកម្ពស់សុខុមាលភាពប្រជាពលរដ្ឋ ស្របតាមគោលការណ៍ដឹកនាំរបស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ រដ្ឋបាលខណ្ឌកំបូលបានបើកយុទ្ធនាការទ្រង់ទ្រាយធំ ចុះដាក់ថ្នាំអាល់បែត (Abate) និងផ្សព្វផ្សាយវិធានការបង្ការ និងទប់ស្កាត់ជំងឺគ្រុនឈាមដល់ប្រជាពលរដ្ឋតាមមូលដ្ឋាន។

ឆ្លើយតបទៅនឹងតម្រូវការជាក់ស្តែង និងដើម្បីលើកកម្ពស់សោភ័ណភាព ក៏ដូចជាសុវត្ថិភាពក្នុងការធ្វើដំណើររបស់បងប្អូនប្រជាពលរដ្ឋ នាព្រឹកថ្ងៃទី១២ ខែកក្កដា ឆ្នាំ២០២៦ នេះ ក្រុមការងារនៃមន្ទីរសាធារណការ និងដឹកជញ្ជូនរាជធានីភ្នំពេញ បានចុះអនុវត្តសកម្មភាពជួសជុល និងបំពេញបន្ថែមនូវទីតាំងដែលរងការខូចខាតមួយចំនួន នៅលើខ្សែផ្លូវលេខ ៣៥១។

ដើម្បីលើកកម្ពស់សោភ័ណភាព និងធានាបាននូវសណ្តាប់ធ្នាប់សាធារណៈ អាជ្ញាធរខណ្ឌព្រែកព្នៅបានបន្តចាត់វិធានការយ៉ាងម៉ឺងម៉ាត់ក្នុងការចុះរៀបចំរបៀបរៀបរយនៅតាមដងផ្លូវ និងទីប្រជុំជននានាក្នុងមូលដ្ឋាន។ ជាក់ស្តែង នៅវេលាម៉ោង ៤:០០ នាទីទៀបភ្លឺ ថ្ងៃទី១១ ខែកក្កដា ឆ្នាំ២០២៦ នេះ លោក ឌី ពុទ្ធារិទ្ធ នាយករងរដ្ឋបាលខណ្ឌព្រែកព្នៅ បានដឹកនាំកម្លាំងចម្រុះចុះរៀបចំសណ្តាប់ធ្នាប់នៅតំបន់ផ្សារគល់ស្ពានព្រែកព្នៅ ស្ថិតតាមបណ្តោយមហាវិថីឈ្នះឈ្នះ។

ដើម្បីត្រៀមលក្ខណៈបង្ការនិងដោះស្រាយបញ្ហាទឹកជំនន់ទឹកភ្លៀង ដែលជិតចូលមកដល់ក្នុងរដូវវស្សានេះ អាជ្ញាធរសង្កាត់ចោមចៅទី១ បានចុះយុទ្ធនាការកាយស្តារប្រឡាយទឹកមួយខ្សែ ដែលស្ថិតនៅភូមិសាស្ត្រជាប់របងរោងចក្រកាណាឌីយ៉ា។

ស្របតាមគោលនយោបាយលើកកម្ពស់ការផ្តល់សេវាសាធារណៈឱ្យកាន់តែខិតជិតប្រជាពលរដ្ឋ អាជ្ញាធរមូលដ្ឋាននៅតែបន្តបំពេញតួនាទីយ៉ាងសកម្មក្នុងការឆ្លើយតបនឹងតម្រូវការចាំបាច់របស់ប្រជាជនក្នុងមូលដ្

គម្រោងស្ថាបនាហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹក ដើម្បីបញ្ចៀសការជន់លិចក្នុងភូមិសាស្ត្ររាជធានីភ្នំពេញ កំពុងតែដំណើរការទៅមុខយ៉ាងសកម្ម។ ជាក់ស្តែង គិតត្រឹមថ្ងៃទី១០ ខែកក្កដា ឆ្នាំ២០២៦ នេះ គម្រោងដាក់លូមូលខ្នាតធំនៅលើកំណាត់វិថីព្រះអង្គយុគន្ធរ (ផ្លូវលេខ១៩) ក្នុងខណ្ឌដូនពេញ សម្រេចលទ្ធផលបានប្រមាណ ៣៥% ហើយ។

អភិបាលខណ្ឌឫស្សីកែវ ចុះពិនិត្យប្រព័ន្ធលូស្មុគស្មាញក្នុងសង្កាត់២ ដើម្បីដោះស្រាយបញ្ហាលិចលង់ជូនប្រជាពលរដ្ឋ

ខណ្ឌសែនសុខ បើកវេទិកាផ្សព្វផ្សាយ និងពិគ្រោះយោបល់អាណត្តិទី៤ ដោះស្រាយកង្វល់ និងសំណូមពររបស់ប្រជាពលរដ្ឋ

រដ្ឋបាលខណ្ឌសែនសុខ បានរៀបចំ «វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌ អាណត្តិទី៤» នាព្រឹកថ្ងៃព្រហស្បតិ៍ ទី០៩ ខែកក្កដា ឆ្នាំ២០២៦ នៅបរិវេណសួនសុបិនចំការព្រីង ដើម្បីប្រមូលមតិយោបល់ បញ្ហាប្រឈម និងសំណូមពរនានាពីប្រជាពលរដ្ឋ សម្រាប់យកមកពិភាក្សា និងស្វែងរកដំណោះស្រាយឱ្យមានប្រសិទ្ធភាព។

រដ្ឋបាលរាជធានីភ្នំពេញ បន្តយុទ្ធនាការបាញ់ថ្នាំមូសខ្លាជាប់ជាប្រចាំ ដើម្បីលើកកម្ពស់សុខុមាលភាពពលរដ្ឋ និងទប់ស្កាត់ជំងឺគ្រុនឈាមក្នុងរដូវវស្សា

សកម្មភាពចុះបាញ់ថ្នាំមូសត្រូវបានរដ្ឋបាលរាជធានីភ្នំពេញ ចុះអនុវត្តជាប់ជាប្រចាំរហូតមក សំដៅលុបបំបាត់ និងកំចាត់មូស ជាពិសេសនៅរដូវវស្សា ធ្វើយ៉ាងណាលើកកម្ពស់សុខមាភាព របស់ប្រជាពលរដ្ឋ នៅក្នុងមូលដ្ឋាន ជាពិសេសទប់ស្កាត់ ជំងឺគ្រុនឈាម។ ក្រោមកិច្ចសហការរបស់អាជ្ញាធរខណ្ឌ ជាមួយនឹងមន្ទីរសុខាភិបាលរាជធានីភ្នំពេញ បានបន្តបាញ់ថ្នាំសម្លាប់មូសខ្លា នៅតាមមូលដ្ឋាន ខណ្ឌនានា នៅរាជធានីភ្នំពេញ ខណៈការអនុវត្តការងារនេះ ធ្វើឡើងតាមការចង្អុលបង្ហាញ និងការគិតគូរពីបញ្ហាសុខភាពសាធារណៈរបស់ប្រជាពលរដ្ឋនៅរាជធានីភ្នំពេញ ពីឯកឧត្ដម ឃួង ស្រេង អភិបាលរាជធានីភ្នំពេញ ។

នៅថ្ងៃទី៨ ខែកក្កដា ឆ្នាំ២០២៦ គណៈ​បញ្ជាកា​រ​​​ឯកភាព​រដ្ឋបា​ល​រា​ជ​ធា​នី​ភ្នំពេញ បានដឹកនាំគណៈបញ្ជាការឯកភាពរដ្ឋបាលខណ្ឌទាំង១៤ ធ្វើការ​ត្រួត​ពិ​និត្យ​តាមទីតាំង​អគារ​ខុន​ដូ​រ អាផាត​មិ​ន បុរី ផ្ទះសំណាក់ និ​ង​ស​ណ្ឋាគា​រ​មួ​យ​ចំ​នួន ក្នុងគោលដៅ​ប្រតិបត្តិ​ការ​បោស​ស​ម្អា​ត​ទី​តាំ​ង​ស​ង្ស័​យ​ប្រព្រឹត្តប​ទ​ល្មើ​ស​​ឆ​បោក​តាម​​ប្រ​ព័​ន្ធ​​​​​បច្ចេក​វិទ្យា (ON​L​I​N​E​ ​S​CAMS)​ ក្នុង​ភូមិសាស្ដ្ររាជធានីភ្នំពេញ។ ក្នុង​កិ​ច្ច​ប្រ​តិ​ប​ត្តិ​កា​រ​ត្រួត​ពិ​និ​ត្យ​តា​មទី​តាំ​ង​ខា​ង​​លើ​រ​បស់គណៈ​បញ្ជាការ​ឯក​ភា​ព​​បានធ្វើការត្រួតពិនិត្យ​ទីតាំ​ង​​​សរុបចំនួន៨៨ទី​តាំ​ង រកឃើញជនបរទេសស្នាក់នៅសរុបចំនួន ២៥២នា​​​ក់ (ស្រី ៨៤នា​​​ក់​​) មានលិខិតឆ្លងដែនត្រឹមត្រូវ។