ព័ត៌មានក្នុងខេត្ត

សម្ដេច​ធិបតី​ ហ៊ុន ម៉ាណែត អញ្ជើញ​ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដើម្បីពិភាក្សា និងឆ្លងលើរបៀបវារៈដូចខាងក្រោម៖

ក្រសួងឧស្សាហកម្ម ផ្តល់សិទ្ធិ និងឯកសារអនុញ្ញាតជាផ្លូវការ ជូនក្រុមហ៊ុន តេ ហ្សុង ក្នុងការអនុវត្តការងារត្រួតពិនិត្យឧបករណ៍ហានិភ័យខ្ពស់នៅទូទាំងប្រទេសកម្ពុជា

ឯកឧត្ដម ឃួង ស្រេង និងឯកឧត្តម គង់ វិបុល រួមគ្នាជំរុញការពង្រឹងការផ្ដល់សេវាសាធារណៈ និងសេវាសុរិយោដីជូនប្រជាពលរដ្ឋឱ្យកាន់តែប្រសើរឡើង

យោងតាម ច្បាប់ស្តីពីការគ្រប់គ្រងរោងចក្រ និងសិប្បកម្មនៃព្រះរាជាណាចក្រកម្ពុជា ប្រកាសរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍(ហៅកាត់ថា“ក្រសួងឧស្សាហកម្ម”)ស្តីពីការផ្តល់វិញ្ញាបនបត្រលក្ខណៈបច្ចេកទេស និងសុវត្ថិភាពនៃប្រតិបត្តិការឧបករណ៍ គ្រឿងម៉ាស៊ីន និងម៉ាស៊ីនមានហានិភ័យខ្ពស់នៅក្នុងរោងចក្រ និងសិប្បកម្មអនុស្សរណៈនៃការយោគយល់គ្នា (MoU)ដែលបានចុះហត្ថលេខារវាងក្រសួងឧស្សាហកម្ម និងក្រុមហ៊ុន តេ ហ្សុង ស៊ីប៉ី ជានស៊ី យ៉ានជីវ យ័ន(ខេមបូឌា)ឯ.ក (ហៅកាត់ថា “ក្រុមហ៊ុន តេ ហ្សុង”) លិខិតទទួលសិទ្ធិ និងឯកសារអនុញ្ញាតជាផ្លូវការនានា ដែលចេញដោយក្រសួងឧស្សាហកម្ម ជូនដល់ក្រុមហ៊ុន តេ ហ្សុង។

ឯកឧត្ដម​ ឃួង ស្រេង អភិបាលនៃគណៈអភិបាលរាជធានីភ្នំពេញ បានជំរុញបន្ថែមឱ្យដល់មន្ត្រីពាក់ព័ន្ធគ្រប់ផ្នែកទាំងអស់ ត្រូវ​យកចិត្តទុកដាក់ពង្រឹងការផ្ដល់សេវាសាធារណៈជូន​ប្រជាពលរដ្ឋ​ ជា​ពិសេស​សេវា​សុរិយោដីឱ្យមានប្រសិទ្ធភាពខ្ពស់​ និងល្អប្រសើរជាងមុនថែមទៀត។

ក្រសួងព័ត៌មាន បានជំរុញឱ្យគ្រប់អង្គភាព និងមន្ទីរព័ត៌មានរាជធានី-ខេត្ត ខិតខំសរសេរ និងផ្សព្វផ្សាយព័ត៌មាននៅលើគេហទំព័ររបស់ខ្លួនឱ្យបានទាន់ពេលវេលា ត្រឹមត្រូវ សុក្រឹត និងមានគុណភាពខ្ពស់។ ការណ៍នេះធ្វើឡើងដើម្បីរួមចំណែកលើកកម្ពស់ប្រសិទ្ធភាពការងារ និងការផ្តល់ព័ត៌មានជាសាធារណៈ ប្រកបដោយសមធម៌ និងទំនុកចិត្ត។

ដំណក់ទឹកភ្លៀងរដូវវស្សាបានចាប់ផ្តើមធ្លាក់ជាបណ្តើរៗ បង្អុរចុះមកលើភូមិសាស្ត្ររាជធានីភ្នំពេញ ដែលជាសញ្ញាដាស់តឿនពីការប្រុងប្រយ័ត្នចំពោះបញ្ហាជំនន់ទឹកភ្លៀង។ ដើម្បីឆ្លើយតបនឹងបញ្ហានេះ និងធានាថារាជធានីភ្នំពេញមិនរងការលិចលង់ រដ្ឋបាលរាជធានីភ្នំពេញបាន និងកំពុងបើកយុទ្ធនាការយ៉ាងសស្រាក់សស្រាំ ក្នុងការចុះស្តារប្រព័ន្ធលូជុំវិញភូមិសាស្ត្ររាជធានី ដើម្បីបើកមុខទឹកឱ្យហូរបានលឿន។

ថ្លែងក្នុងពិធីបើកកិច្ចប្រជុំប្រចាំឆ្នាំ ថ្នាក់អគ្គនាយកអន្តោប្រវេសន៍ និងប្រធានកុងស៊ុលអាស៊ាន លើកទី២៩ រៀបចំនៅខេត្តសៀមរាប នាព្រឹកថ្ងៃទី២៤ ខែមិថុនា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចាត់ទុកកិច្ចប្រជុំនេះ ថាជាការឆ្លុះបញ្ចាំងពីបញ្ហាសំខាន់ៗរួម ដែលជាតួនាទី ភារកិច្ចរបស់ប្រទេសជាសមាជិកអាស៊ានទាំង១១ ត្រូវរួមគ្នាអនុវត្តដោយស្មារតីទទួលខុសត្រូវខ្ពស់។

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិឧបាស្រ័យពាណិជ្ជកម្ម (គ.ជ.ឧ.ព.) នាព្រឹកថ្ងៃទី២៤ ខែមិថុនា ឆ្នាំ២០២៦ បានអញ្ជើញជាអធិបតីដឹកនាំកិច្ចប្រជុំលើកទី១ របស់គណៈកម្មាធិការជាតិឧបាស្រ័យពាណិជ្ជកម្ម នៅទីស្តីការក្រសួងពាណិជ្ជកម្ម ដោយមានការចូលរួមពីថ្នាក់ដឹកនាំជាន់ខ្ពស់ តំណាងក្រសួង-ស្ថាប័នពាក់ព័ន្ធ សមាជិកគណៈកម្មាធិការ ក្រុមការងារលេខាធិការដ្ឋាន និងភាគីពាក់ព័ន្ធជាច្រើនរូប។

នាព្រឹកថ្ងៃពុធ ទី២៤ ខែមិថុនា ឆ្នាំ២០២៦ នេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់ និងទទួលថវិកាបរិច្ចាគពីគណៈសង្ឃនាយកនៃព្រះរាជាណាចក្រកម្ពុជា ជូនដល់មូលនិធិគន្ធបុប្ផាកម្ពុជា ដើម្បីបន្តគាំទ្រដល់បេសកកម្មសង្គ្រោះអាយុជីវិតកុមារកម្ពុជា។

ដើម្បីឆ្លើយតបទៅនឹងការវិវត្តយ៉ាងឆាប់រហ័សនៃបច្ចេកវិទ្យាឌីជីថល និងលើកកម្ពស់គុណភាពនៃការផ្សព្វផ្សាយព័ត៌មាននៅតាមមន្ទីរព័ត៌មានរាជធានី-ខេត្ត ក្រសួងព័ត៌មាន បានរៀបចំវគ្គបណ្ដុះបណ្ដាលស្តីពី «ជំនាញសរសេរព័ត៌មានតាមគេហទំព័រ» ជូនដល់មន្ត្រីរាជការក្នុងវិស័យព័ត៌មាន។

ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាព្រឹកថ្ងៃទី២២ ខែមិថុនា ឆ្នាំ២០២៦ បានអញ្ជើញដឹកនាំកិច្ចប្រជុំបន្តពង្រឹងការងារអនុវត្តតួនាទីភារកិច្ច និងការងារជំនាញនានា ដើម្បីលើកកម្ពស់ប្រសិទ្ធភាពការងាររបស់កងកម្លាំងនគរបាលរាជធានីភ្នំពេញ។