ព័ត៌មានក្នុងខេត្ត

នៅថ្ងៃអង្គារ ៩រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៩ ខែមិថុនា ឆ្នាំ២០២៦ ក្រុមការងារចម្រុះនៃរដ្ឋបាលខណ្ឌ៧មករា បានបើកប្រតិបត្តិការចុះត្រួតពិនិត្យយ៉ាងសកម្មនៅតាមបណ្តាទីតាំងស្នាក់នៅនានា ដើម្បីទប់ស្កាត់ និងបោសសម្អាតទីតាំងដែលសង្ស័យថាមានការពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams)។

ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញនាព្រឹកថ្ងៃទី០៩ ខែមិថុនា ឆ្នាំ២០២៦នេះ បានដឹកនាំកិច្ចប្រជុំត្រួតពិនិត្យវឌ្ឍនភាពការបង្រ្កាបបទល្មើសឆបោកតាមប្រព័ន្ធបច្ចេកវិទ្យា (Online Scams) ដោយវត្តមានចូលរួមពីឯកឧត្តម លោកជំទាវ អភិបាលរងរាជធានីភ្នំពេញ ឯកឧត្តមឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ លោកឧត្តមសេនីយ៍ទោស្នងការរងរាជធានីភ្នំពេញ ព្រមទាំងលោក លោកស្រីអភិបាលខណ្ឌទាំង១៤ផងដែរ។

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា បានចេញបទបញ្ជាយ៉ាងម៉ឺងម៉ាត់ដល់អាជ្ញាធរមានសមត្ថកិច្ច និងកងកម្លាំងប្រចាំការនៅតាមបណ្តោយព្រំដែនទាំងអស់ ឱ្យចាត់វិធានការផ្លូវច្បាប់យ៉ាងតឹងរ៉ឹងបំផុត ដោយត្រូវរឹបអូសទ្រព្យសម្បត្តិ ឬតម្រូវឱ្យទៅរែកដីធ្វើលេណដ្ឋាន ចំពោះឈ្មួញទុច្ចរិតទាំងឡាយណាដែលលួចនាំចូលទំនិញមកក្នុងប្រទេសដោយខុសច្បាប់។

គណៈបញ្ជាការឯកភាពរដ្ឋបាលខណ្ឌទាំង១៤ ក្រោមការដឹកនាំបញ្ជាផ្ទាល់របស់ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានចុះត្រួតពិនិត្យតាមទីតាំងអគារខុនដូ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) និងចុះផ្សព្វផ្សាយអនុក្រឹត្យលេខ ០៣ អនក្រ.បក ចុះថ្ងៃទី៥ ខែមករា ឆ្នាំ២០២៦ របស់រាជរដ្ឋាភិបាលកម្ពុជា ស្ដីពីការគ្រប់គ្រងសន្ដិសុខសុវត្ថិភាពតាមទីតាំងរស់នៅប្រមូលផ្ដុំ ក្នុងភូមិសាស្ដ្ររាជធានីភ្នំពេញ បានចំនួន៨៥ទីតាំង។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចូលរួម ពិសាអាហារពេលព្រឹកជាមួយលោកជំទាវភរិយាឯកឧត្តមនាយករដ្ឋមន្រ្តីវៀតណាម រួមជាមួយនឹងលោកជំទាវភរិយាឯកឧត្តមនាយករដ្ឋមន្រ្តីឡាវ និងលោកជំទាវភរិយាឯកឧត្តមនាយករដ្ឋមន្រ្តីថៃ។ សាធារណរដ្ឋសង្គមនិយមវៀតណាម ព្រឹកថ្ងៃអង្គារ ទី៩ មិថុនា ២០២៦

សម្តេចតេជោ ហ៊ុន សែន​ ៖ ការមិនបានត្រៀមសម្ភារឱ្យបានរួចរាល់ក្នុងស្ថានភាពប្រឈមមុខជាមួយប្រទេសថៃ គឺជាកំហុសមួយរបស់សម្តេច

សម្តេចតេជោ ហ៊ុន សែន​​ ប្រសិទ្ធនាមថា “ភូមិរង់ចាំ” ដល់មណ្ឌលបណ្តោះអាសន្នសម្រាប់ប្រជាពលរដ្ឋនៅស្រុកស្វាយចេក

ចូលរួមពិធីបើកវេទិកាអនាគតរបស់អាស៊ានលើកទី៣។ សាធារណរដ្ឋសង្គមនិយមវៀតណាម ព្រឹកថ្ងៃអង្គារ ទី៩ មិថុនា ២០២៦

នៅរសៀលថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែមិថុនា ឆ្នាំ២០២៦ នេះ ក្រុមការងាររដ្ឋបាលខណ្ឌចំការមន បានបន្តយុទ្ធនាការចុះបើកគម្របលូ និងស្ដារប្រព័ន្ធលូទឹកស្អុយ នៅតាមបណ្ដោយមហាវិថីសុធារស ក្នុងភូមិសាស្ត្រសង្កាត់ទន្លេបាសាក់ ខណ្ឌចំការមន ដើម្បីបញ្ចៀសការកកស្ទះ និងការលិចលង់ដោយជំនន់ទឹកភ្លៀងនារដូវវស្សា។

នៅព្រឹកថ្ងៃអង្គារ ទី០៩ ខែមិថុនា ឆ្នាំ២០២៦ រដ្ឋបាលខណ្ឌពោធិ៍សែនជ័យ បានរៀបចំយុទ្ធនាការប្រារព្ធ «ទិវាបរិស្ថានជាតិ និងបរិស្ថានពិភពលោក» យ៉ាងអធិកអធម ក្រោមអធិបតីភាព លោក ប៉ាង លីដា អភិបាលរងនៃគណៈអភិបាលខណ្ឌ ដោយផ្តោតសំខាន់លើប្រធានបទដ៏មានសារៈសំខាន់គឺ «សំណល់សូន្យ (Zero waste)»។

កម្លាំងកងរាជអាវុធហត្ថ ចុះបង្ក្រាបភោជនីយដ្ឋាន «សំនៀងតារា២» ក្នុងខណ្ឌសែនសុខ ឃាត់ខ្លួនមនុស្សជាច្រើននាក់ ពាក់ព័ន្ធករណីសង្ស័យជួញដូរផ្លូវភេទ និងប្រើពលកម្មកុមារ

នៅថ្ងៃចន្ទ ទី០៨ ខែមិថុនា ឆ្នាំ២០២៦ កម្លាំងគណៈបញ្ជាការឯកភាពខណ្ឌចំការមន បានបើកប្រតិបត្តិការចុះត្រួតពិនិត្យរដ្ឋបាលតាមទីតាំងស្នាក់នៅមួយចំនួនក្នុងភូមិសាស្ត្រខណ្ឌចំការមន ក្នុងគោលបំណងបោសសម្អាត និងស្វែងរកទីតាំងសង្ស័យពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scam)។ ជាលទ្ធផល សមត្ថកិច្ចពុំបានរកឃើញបទល្មើស ឬសកម្មភាពខុសច្បាប់ណាមួយនៅតាមទីតាំងដែលបានត្រួតពិនិត្យឡើយ។