ព័ត៌មានក្នុងខេត្ត

ក្រសួងអប់រំ យុវជន និងកីឡា បានចេញសេចក្តីប្រកាសព័ត៌មានផ្លូវការមួយ ដោយតម្រូវឱ្យបញ្ឈប់ជាបន្ទាន់នូវការរៀបចំការប្រកួតកីឡាប្រដាល់គុនខ្មែរ ដែលអនុញ្ញាតឱ្យកុមារ និងអនីតិជនចូលរួមប្រកួតដោយគ្មានការអនុញ្ញាតពីសហព័ន្ធ ដែលសកម្មភាពនេះអាចបង្កហានិភ័យធ្ងន់ធ្ងរដល់សុវត្ថិភាព និងសុខភាពរបស់ពួកគេ។ ការចេញសេចក្តីប្រកាសរបស់ក្រសួងនេះ បានធ្វើឡើងបន្ទាប់ពីមានការផ្សព្វផ្សាយតាមបណ្តាញសង្គមពាក់ព័ន្ធនឹងការរៀបចំកម្មវិធីប្រកួតកីឡាប្រដាល់គុនខ្មែរនៅវត្តមេសរប្រចាន់ ឃុំមេសរប្រចាន់ ស្រុកពារាំង ខេត្តព្រៃវែង។ កម្មវិធីនេះត្រូវបានរៀបចំឡើងដោយលោក មាស ម៉ើ ដែលក្រសួងបានបញ្ជាក់ថា មានលក្ខណៈមិនសមស្រប និងបានបង្កឱ្យមានការចាប់អារម្មណ៍យ៉ាងខ្លាំងពីសាធារណជន។

កម្ពុជាតវ៉ាយ៉ាងខ្លាំងចំពោះការរំលោភបំពានជាបន្តបន្ទាប់របស់ថៃ លើអធិបតេយ្យ និងបូរណភាពទឹកដីកម្ពុជា Cambodia Strongly Protests Thailand’s Persistent Violations of Its Sovereignty and Territorial Integrity

ក្រសួងព័ត៌មាន បានជំរុញឱ្យគ្រប់អង្គភាព និងមន្ទីរព័ត៌មានរាជធានី-ខេត្ត ខិតខំសរសេរ និងផ្សព្វផ្សាយព័ត៌មាននៅលើគេហទំព័ររបស់ខ្លួនឱ្យបានទាន់ពេលវេលា ត្រឹមត្រូវ សុក្រឹត និងមានគុណភាពខ្ពស់។ ការណ៍នេះធ្វើឡើងដើម្បីរួមចំណែកលើកកម្ពស់ប្រសិទ្ធភាពការងារ និងការផ្តល់ព័ត៌មានជាសាធារណៈ ប្រកបដោយសមធម៌ និងទំនុកចិត្ត។

ដំណក់ទឹកភ្លៀងរដូវវស្សាបានចាប់ផ្តើមធ្លាក់ជាបណ្តើរៗ បង្អុរចុះមកលើភូមិសាស្ត្ររាជធានីភ្នំពេញ ដែលជាសញ្ញាដាស់តឿនពីការប្រុងប្រយ័ត្នចំពោះបញ្ហាជំនន់ទឹកភ្លៀង។ ដើម្បីឆ្លើយតបនឹងបញ្ហានេះ និងធានាថារាជធានីភ្នំពេញមិនរងការលិចលង់ រដ្ឋបាលរាជធានីភ្នំពេញបាន និងកំពុងបើកយុទ្ធនាការយ៉ាងសស្រាក់សស្រាំ ក្នុងការចុះស្តារប្រព័ន្ធលូជុំវិញភូមិសាស្ត្ររាជធានី ដើម្បីបើកមុខទឹកឱ្យហូរបានលឿន។

ប្រធានាធិបតីអ៊ីរ៉ង់ លោក Masoud Pezeshkian បានប្រកាសក្ដែងៗថា ប្រសិនបើគ្មានមីស៊ីលការពារខ្លួនទេនោះ ប្រទេសអ៊ីរ៉ង់ច្បាស់ជាត្រូវរងវាសនាខ្ទេចខ្ទីគួរឱ្យអាសូរដូចជាតំបន់ហ្គាហ្សាទៅហើយ។ លោក Pezeshkian បានបញ្ជាក់យ៉ាងដាច់អហង្ការថា កម្មវិធីមីស៊ីលបាលិស្ទិករបស់អ៊ីរ៉ង់ គឺជារឿងដាច់ខាតដែលមិនអាចយកមកចរចា ឬដោះដូរជាមួយនរណាម្នាក់បានឡើយ ទោះជាស្ថិតក្នុងកាលៈទេសៈណាក៏ដោយ។

កាលពីថ្ងៃអង្គារ ទី២៣ ខែមិថុនា ឆ្នាំ២០២៦ លោកប្រធានាធិបតី វ្ល៉ាឌីមៀរ ពូទីន បានប្រកាសយ៉ាងច្បាស់ៗនៅក្នុងកិច្ចប្រជុំជាមួយមន្ត្រីរដ្ឋាភិបាលថា ប្រទេសរុស្ស៊ី បានត្រៀមខ្លួនរួចជាស្រេច ក្នុងការបើកកិច្ចចរចាសន្តិភាពជាមួយអ៊ុយក្រែនឡើងវិញ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Anadolu។ លោក ពូទីន បានសង្កត់ធ្ងន់ថា ការចរចានេះ ត្រូវតែផ្អែកលើកិច្ចព្រមព្រៀង ដែលធ្លាប់ជជែកគ្នានៅទីក្រុងអ៊ីស្តង់ប៊ុល ប្រទេសតួកគី និងការពិភាក្សានៅទីក្រុង Anchorage សហរដ្ឋអាមេរិក រួមទាំងត្រូវមើលលើស្ថានការណ៍ជាក់ស្តែងនៅលើសមរភូមិ នាពេលបច្ចុប្បន្នផងដែរ។

ថ្លែងក្នុងពិធីបើកកិច្ចប្រជុំប្រចាំឆ្នាំ ថ្នាក់អគ្គនាយកអន្តោប្រវេសន៍ និងប្រធានកុងស៊ុលអាស៊ាន លើកទី២៩ រៀបចំនៅខេត្តសៀមរាប នាព្រឹកថ្ងៃទី២៤ ខែមិថុនា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចាត់ទុកកិច្ចប្រជុំនេះ ថាជាការឆ្លុះបញ្ចាំងពីបញ្ហាសំខាន់ៗរួម ដែលជាតួនាទី ភារកិច្ចរបស់ប្រទេសជាសមាជិកអាស៊ានទាំង១១ ត្រូវរួមគ្នាអនុវត្តដោយស្មារតីទទួលខុសត្រូវខ្ពស់។

លោក Wellington Koo រដ្ឋមន្ត្រីក្រសួងការពារជាតិតៃវ៉ាន់ បានប្រកាសយ៉ាងអាសន្នថា កងទ័ពតៃវ៉ាន់ចាំបាច់ត្រូវតែសាកល្បងសមត្ថភាពឆ្លើយតបភ្លាមៗ ក្នុងករណីមានសង្រ្គាមផ្ទុះឡើង ព្រោះពេលនេះសញ្ញាព្រមានមុនពេលចិនបើកការវាយប្រហារ គឺកាន់តែខើចទៅៗហើយ។

ប្រធានាធិបតីរុស្ស៊ី វ្ល៉ាឌីមៀរ ពូទីន បានប្រកាសជាសាធារណៈថា ឥឡូវ ប្រទេសលោកខាងលិច លែងលាក់មុខទៀតហើយ! ពួកគេ កំពុងត្រៀមធ្វើសង្គ្រាមជាមួយរុស្ស៊ី ដោយយកលេស ការគំរាមកំហែងរបស់ទីក្រុងមូស្គូ ដើម្បីបង្កើនការចំណាយលើយោធា។

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិឧបាស្រ័យពាណិជ្ជកម្ម (គ.ជ.ឧ.ព.) នាព្រឹកថ្ងៃទី២៤ ខែមិថុនា ឆ្នាំ២០២៦ បានអញ្ជើញជាអធិបតីដឹកនាំកិច្ចប្រជុំលើកទី១ របស់គណៈកម្មាធិការជាតិឧបាស្រ័យពាណិជ្ជកម្ម នៅទីស្តីការក្រសួងពាណិជ្ជកម្ម ដោយមានការចូលរួមពីថ្នាក់ដឹកនាំជាន់ខ្ពស់ តំណាងក្រសួង-ស្ថាប័នពាក់ព័ន្ធ សមាជិកគណៈកម្មាធិការ ក្រុមការងារលេខាធិការដ្ឋាន និងភាគីពាក់ព័ន្ធជាច្រើនរូប។

នាព្រឹកថ្ងៃពុធ ទី២៤ ខែមិថុនា ឆ្នាំ២០២៦ នេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់ និងទទួលថវិកាបរិច្ចាគពីគណៈសង្ឃនាយកនៃព្រះរាជាណាចក្រកម្ពុជា ជូនដល់មូលនិធិគន្ធបុប្ផាកម្ពុជា ដើម្បីបន្តគាំទ្រដល់បេសកកម្មសង្គ្រោះអាយុជីវិតកុមារកម្ពុជា។

ក្រុមហ៊ុន វ៉ាយ អេច អេស (yeo’s) ផ្តល់អំណោយទឹកសណ្តែកចំនួន១៧០០០ដុំ និងកាហ្វេចំនួន១០០០កញ្ចប់ ជូនដល់មន្ទីរពេទ្យគន្ធបុប្ផា ក្រុមហ៊ុនវ៉ាយ អេច អេស (yeo’s) បានផ្តល់អំណោយជាទឹកសណ្តែក ទឹកដោះគោ ចំនួន១៧០០០ដុំ និងកាហ្វេចំនួន ១០០០កញ្ចប់ ជូនដល់មន្ទីរពេទ្យគន្ធបុប្ផា