ព័ត៌មានក្នុងខេត្ត

ហេតុអ្វីទីក្រុងទាំង៨រួមទាំងរាជធានីភ្នំពេញទទួលបានពានរង្វាន់ពីអង្គការសុខភាពពិភពលោកប្រចាំឆ្នាំ២០២៦ លើការកើនកម្ពស់សុខុមាលភាពទីក្រុង?។ នៅព្រឹកថ្ងៃទី៣ ខែកញ្ញានេះ ដោយទទួលបានការចាត់តាំងពីឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងក្រោមការសម្របសម្រួលពីអង្គការសុខភាពពិភពលោកប្រចាំតំបន់ប៉ាស៊ីហ្វិចខាងលិចលោកស្រី ដោ សម្ផស្ស នាយករងររដ្ឋបាលសាលារាជធានីភ្នំពេញ រួមជាមួយទីក្រុង ៧ផ្សេងទៀត បានចូលរួមក្នុងកិច្ចពិភាក្សា និងចែករំលែកបទពិសោធន៍របស់រដ្ឋបាលរាជធានីភ្នំពេញ ក្នុងការអនុវត្តគម្រោង ការដាក់ពាក្យស្នើសុំការវាយតម្លៃ រហូតទទួលបានពានរង្វាន់ប្រចាំឆ្នាំ២០២៦ របស់អង្គការសុខភាពពិភពលោក។

រាជធានីភ្នំពេញបានចែករំលែកបទពិសោធន៍អំពីសារៈសំខាន់នៃកិច្ចសហប្រតិបត្តិការរួមគ្នាដើម្បីចូលរួមបង្ការជំងឺមិនឆ្លង បន្ទាប់ពីទទួលបានពានរង្វាន់ប្រចាំឆ្នាំ២០២៦របស់អង្គការសុខភាពពិភពលោកកាលពីម្សិលមិញ ព្រឹកថ្ងៃទី២ ខែកញ្ញានេះ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញត្រូវបានអញ្ជើញធ្វើជាវាគ្មិនជាមួយអភិបាលក្រុង ដុងហ្គុ សាធារណរដ្ឋកូរ៉េ និងអភិបាលក្រុងប៉េណាំង ប្រទេសម៉ាឡេស៊ី ដើម្បីចែករំលែកបទពិសោធន៍ក្នុងកិច្ចពិភាក្សាស្តីពី “ផ្តើមចេញពីសកម្មភាពមូលដ្ឋានទៅកាន់ឥទ្ធិពលរួម - អានុភាពនៃបណ្តាញទំនាក់ទំនង”។

ពានរង្វាន់អង្គការសុខភាពពិភពលោក លើកិច្ចខិតខំប្រឹងប្រែងក្នុងការលើកកម្ពស់សុវត្ថិភាពចរាចរណ៍តាមរយៈការអនុវត្តគម្រោង “ការដឹកជញ្ជូនមានសុវត្ថិភាព សកម្ម និងលើកកម្ពស់សុខភាព៖ ការជំរុញសុខភាព និងការកាត់បន្ថយវិសមភាពក្នុងការធើ្វដំណើរក្នុងទីក្រុង”។

នៅវេលាម៉ោង៨៖៥៥នាទីព្រឹកថ្ងៃទី១ ខែកញ្ញា ឆ្នាំ២០២៦នេះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតា​ជាតិ​ខ្មែរ ជាទីគោរពសក្ការៈដ៏ខ្ពង់ខ្ពស់បំផុត សព្វព្រះរាជហឫទ័យសម្តេចយាងទៅពិនិត្យព្រះរាជ​សុខភាពនៅ​រដ្ឋធានី​ប៉េ​កាំង ប្រទេសចិន។

គិតត្រឹមថ្ងៃទី៣១ ខែសីហា ឆ្នាំ២០២៦ នេះ រដ្ឋបាលរាជធានីភ្នំពេញ ដោយមានមន្ទីរសាធារណការ និងដឹកជញ្ជូនរាជធានីភ្នំពេញជាសេនាធិការ បានសម្រេចបើកផ្លូវថ្មីមួយខ្សែយ៉ាងមានសារៈសំខាន់ ជូនប្រជាពលរដ្ឋរស់នៅក្នុងសង្កាត់ស្រះចក ខណ្ឌដូនពេញ ដើម្បីជួយសម្រួលដល់ការធ្វើដំណើរ និងកាត់បន្ថយការកកស្ទះចរាចរណ៍ក្នុងតំបន់។

គ្រោះថ្នាក់ចរាចរណ៍ផ្លូវគោកទូទាំងប្រទេស នៅថ្ងៃទី៣១ ខែសីហា ឆ្នាំ២០២៦ បានកើតឡើងចំនួន ១២លើក ក្នុងនោះកើតឡើងនៅពេលយប់ចំនួន ៤លើក បណ្តាលឱ្យមនុស្សស្លាប់ចំនួន ៩នាក់ ក្នុងនោះស្ត្រី ៣នាក់ និងរងរបួសសរុបចំនួន ១០នាក់ ក្នុងនោះស្ត្រី ៤នាក់។

នៅព្រឹកថ្ងៃទី៣១ ខែសីហា ឆ្នាំ២០២៦ វេលាម៉ោង ៨:០០នាទី នៅសាលាបឋមសិក្សាវត្តមហាមន្ត្រី លោកស្រី ហែម ខាំផៃ សមាជិកគណៈកម្មការគ្រប់គ្រងសាលា បានចូលរួមក្នុងពិធីប្រគល់វិញ្ញាបនបត្របញ្ចប់ការសិក្សាបឋមសិក្សា ជូនសិស្សថ្នាក់ទី៦ នៃសាលាបឋមសិក្សាវត្តមហាមន្ត្រី សម្រាប់ឆ្នាំសិក្សា២០២៥-២០២៦។

ក្រសួងការពារជាតិកម្ពុជា នៅថ្ងៃទី៣១ ខែសីហា ឆ្នាំ២០២៦ បានឱ្យដឹងថា ក្រុមអ្នកសម្របសម្រួល (CLG) បានសម្របសម្រួលជូនក្រុមអ្នកសង្កេតការណ៍អាស៊ានប្រចាំកម្ពុជា (AOT-KH) និងក្រុមអនុព័ន្ធយោធាបរទេសប្រចាំកម្ពុជា (MACPP) ចូលរួមស្តាប់បទបង្ហាញស្តីពីបច្ចុប្បន្នភាពនៃស្ថានភាពសំណល់យុទ្ធភណ្ឌសង្គ្រាមរបស់យោធាថៃនៅលើទឹកដីកម្ពុជាក្នុងសង្គ្រាមឆ្នាំ២០២៥។

រដ្ឋមន្ត្រីក្រសួងសុខាភិបាល បានលើកឡើងថា កិច្ចប្រជុំបច្ចេកទេសជាប្រចាំនៅពេលព្រឹក មិនមែនគ្រាន់តែជាទម្លាប់ប្រចាំថ្ងៃរបស់មន្ត្រី និងបុគ្គលិកសុខាភិបាលប៉ុណ្ណោះទេ ប៉ុន្តែជាពេលវេលាដ៏សំខាន់សម្រាប់ធានានិរន្តរភាពនៃការថែទាំ និងសង្គ្រោះព្យាបាលអ្នកជំងឺ។

អាជីវករនៅផ្សារនាគមាសចំនួន ២១១ស្តង់ ដែលរងផលប៉ះពាល់ ដោយគ្រោះអគ្គីភ័យ កាលពីថ្ងៃទី២៨ ខែសីហា ឆ្នាំ២០២៦ ទទួលបានថវិកាចំនួន១លានរៀលក្នុងមួយស្តង់ ដែលថវិកាទាំងនេះជាអំណោយដ៏ថ្លៃថ្លារបស់ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា (ស.ស.យ.ក.) តាមរយះឯកឧត្តម ឃួង ស្រេង អភិបាលរាជធានីភ្នំពេញ ដែលនាំយកមកចែកជូនដោយឯកឧត្តម ហួត ហៃ អភិបាលរាជធានីភ្នំពេញស្តីទី។

លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញបានឱ្យដឹងនៅថ្ងៃទី២៩ ខែសីហា ឆ្នាំ២០២៦ថា ផលប៉ះពាល់នៃគ្រោះអគ្គីភ័យនៅទីតាំងផ្សារនាគមាសកាលពីថ្ងៃទី២៨ ខែសីហា ឆ្នាំ២០២៦ គឺមានការខូចខាតអស់ចំនួន ២១១តូប ដែលជាប្រភេទតូប និងស្តង់លក់បន្លែ និងផ្លែឈើ ប៉ុន្តែមិនមានបង្កជារបួស ឬស្លាប់បាត់បង់ជីវិតនោះទេ។

អាជ្ញាធរខណ្ឌចំការមន កាលពីថ្ងៃទី២៧ ខែសីហា ឆ្នាំ២០២៦ បានចុះត្រួតពិនិត្យរដ្ឋបាលលើទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា ឬ Online Scams ចំនួន២គោលដៅ ក្នុងភូមិសាស្ត្រខណ្ឌចំការមន រាជធានីភ្នំពេញ ដោយឃាត់ខ្លួនមនុស្សសរុប ៧នាក់ និងរកឃើញអ្នកពាក់ព័ន្ធសរុប ១៤នាក់។