ព័ត៌មានក្នុងខេត្ត

រដ្ឋបាលរាជធានីភ្នំពេញ បន្តយុទ្ធនាការបាញ់ថ្នាំមូសខ្លាជាប់ជាប្រចាំ ដើម្បីលើកកម្ពស់សុខុមាលភាពពលរដ្ឋ និងទប់ស្កាត់ជំងឺគ្រុនឈាមក្នុងរដូវវស្សា

សកម្មភាពចុះបាញ់ថ្នាំមូសត្រូវបានរដ្ឋបាលរាជធានីភ្នំពេញ ចុះអនុវត្តជាប់ជាប្រចាំរហូតមក សំដៅលុបបំបាត់ និងកំចាត់មូស ជាពិសេសនៅរដូវវស្សា ធ្វើយ៉ាងណាលើកកម្ពស់សុខមាភាព របស់ប្រជាពលរដ្ឋ នៅក្នុងមូលដ្ឋាន ជាពិសេសទប់ស្កាត់ ជំងឺគ្រុនឈាម។ ក្រោមកិច្ចសហការរបស់អាជ្ញាធរខណ្ឌ ជាមួយនឹងមន្ទីរសុខាភិបាលរាជធានីភ្នំពេញ បានបន្តបាញ់ថ្នាំសម្លាប់មូសខ្លា នៅតាមមូលដ្ឋាន ខណ្ឌនានា នៅរាជធានីភ្នំពេញ ខណៈការអនុវត្តការងារនេះ ធ្វើឡើងតាមការចង្អុលបង្ហាញ និងការគិតគូរពីបញ្ហាសុខភាពសាធារណៈរបស់ប្រជាពលរដ្ឋនៅរាជធានីភ្នំពេញ ពីឯកឧត្ដម ឃួង ស្រេង អភិបាលរាជធានីភ្នំពេញ ។

នៅថ្ងៃទី៨ ខែកក្កដា ឆ្នាំ២០២៦ គណៈ​បញ្ជាកា​រ​​​ឯកភាព​រដ្ឋបា​ល​រា​ជ​ធា​នី​ភ្នំពេញ បានដឹកនាំគណៈបញ្ជាការឯកភាពរដ្ឋបាលខណ្ឌទាំង១៤ ធ្វើការ​ត្រួត​ពិ​និត្យ​តាមទីតាំង​អគារ​ខុន​ដូ​រ អាផាត​មិ​ន បុរី ផ្ទះសំណាក់ និ​ង​ស​ណ្ឋាគា​រ​មួ​យ​ចំ​នួន ក្នុងគោលដៅ​ប្រតិបត្តិ​ការ​បោស​ស​ម្អា​ត​ទី​តាំ​ង​ស​ង្ស័​យ​ប្រព្រឹត្តប​ទ​ល្មើ​ស​​ឆ​បោក​តាម​​ប្រ​ព័​ន្ធ​​​​​បច្ចេក​វិទ្យា (ON​L​I​N​E​ ​S​CAMS)​ ក្នុង​ភូមិសាស្ដ្ររាជធានីភ្នំពេញ។ ក្នុង​កិ​ច្ច​ប្រ​តិ​ប​ត្តិ​កា​រ​ត្រួត​ពិ​និ​ត្យ​តា​មទី​តាំ​ង​ខា​ង​​លើ​រ​បស់គណៈ​បញ្ជាការ​ឯក​ភា​ព​​បានធ្វើការត្រួតពិនិត្យ​ទីតាំ​ង​​​សរុបចំនួន៨៨ទី​តាំ​ង រកឃើញជនបរទេសស្នាក់នៅសរុបចំនួន ២៥២នា​​​ក់ (ស្រី ៨៤នា​​​ក់​​) មានលិខិតឆ្លងដែនត្រឹមត្រូវ។

គិតត្រឹមថ្ងៃទី៧ ខែកក្កដា ឆ្នាំ២០២៦ គម្រោងរៀបចំរចនាសម្ព័ន្ធប្រព័ន្ធលូ និងប្រព័ន្ធរំដោះទឹក ដើម្បីបញ្ចៀសការជន់លិចក្នុងភូមិសាស្ត្ររាជធានីភ្នំពេញ សម្រេចការអនុវត្តបានប្រមាណ ៩០ភាគរយហើយ ដោយក្រុមការងារបានបុកស៊ីផាយបេតុងបញ្ចូលក្នុងដីសរុបចំនួន ៣,១១១ដើម ប្រកបដោយគុណភាព និងសុវត្ថិភាពការងារខ្ពស់។

ដើម្បីឆ្លើយតបទៅនឹងបញ្ហាជំនន់ទឹកភ្លៀង និងធានាដល់សុវត្ថិភាពហេដ្ឋារចនាសម្ព័ន្ធ ក៏ដូចជាលំនៅឋានរបស់ប្រជាពលរដ្ឋក្នុងរដូវវស្សា នៅព្រឹកថ្ងៃទី០៧ ខែកក្កដា ឆ្នាំ២០២៦ នេះ លោក ចេង មុនីរ៉ា អភិបាល នៃគណៈអភិបាលខណ្ឌសែនសុខ បានដឹកនាំក្រុមការងារជំនាញ ចុះពិនិត្យ និងវាស់វែងទំហំស្ថានីយបូមទឹកបូរី១០០ខ្នង ដែលស្ថិតក្នុងសង្កាត់ទឹកថ្លា ខណ្ឌសែនសុខ។

រដ្ឋបាលខណ្ឌមានជ័យ ចែកវិញ្ញាបនបត្រសម្គាល់ម្ចាស់អចលនវត្ថុ ជូនពលរដ្ឋក្នុងសង្កាត់ស្ទឹងមានជ័យទី១ និងសង្កាត់បឹងទំពន់ទី២

អាជ្ញាធររាជធានីភ្នំពេញ សម្របសម្រួលជោគជ័យជាមួយអាជីវករ ដើម្បីស្ថាបនាផ្លូវ និងប្រព័ន្ធលូជុំវិញផ្សារដើមគ

ជនជាតិវៀតណាម ៤៥នាក់ពាក់ ព័ន្ធករណីឆបោកតាមប្រព័ន្ធបច្ចេកវិទ្យា ត្រូវបានបណ្ដេញចេញពីព្រះរាជាណាចក្រកម្ពុជា

កម្លាំងគណៈបញ្ជាការឯកភាពរាជធានីភ្នំពេញ នៅព្រឹកថ្ងៃទី០៦ ខែកក្កដា ឆ្នាំ២០២៦នេះ បានបន្តប្រតិបត្តិការចុះបង្ក្រាប បទល្មើស Online Scams នៅចំណុចផ្ទះC១៦ ផ្លូវBL០២ បុរីប៊ុនលីចំការដូង ភូមិសំបួរ សង្កាត់ដង្កោ ខណ្ឌដង្កោ ឃាត់ជនបរទេស០៨នាក់ មានគោលដៅឆបោកទៅច្រើនប្រទេស ។ ប្រតិបត្តិការបង្ក្រាបនេះ ធ្វើឡើងក្រោមការដឹកនាំបញ្ជាផ្ទាល់ដោយឯកឧត្តម ឃួង ស្រេង អភិបាលរាជធានីភ្នំពេញ និងលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ អនុវត្តការចុះប្រតិបត្តិផ្ទាល់ដោយលោកឧត្តមសេនីយ៍ទោ ប៊ុន សុសិក្ខា ស្នងការរងទទួលផែនការងារនគរបាលសន្តិសុខ និងមានការសម្របសម្រួលនីតិវិធីច្បាប់ពីលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ផងដែរ ។

នាព្រឹកថ្ងៃទី៦ ខែកក្កដា ឆ្នាំ២០២៦ លោក សេង គន្ធ អភិបាល នៃគណៈអភិបាលខណ្ឌមានជ័យ បានអញ្ជើញជាអធិបតីក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ជូនដល់ប្រជាពលរដ្ឋជាម្ចាស់កម្មសិទ្ធិ នៅតំបន់វិនិច្ឆ័យចំនួន២ ក្នុងមូលដ្ឋានខណ្ឌមានជ័យ រាជធានីភ្នំពេញ។

ក្រោមការចង្អុលបង្ហាញរបស់ឯកឧត្ដមឃួង ស្រេង អភិបាល នៃគណៈអភិបាលរាជធានីភ្នំពេញ នាព្រឹកថ្ងៃអាទិត្យទី០៥ ខែកក្កដា ឆ្នាំ២០២៦នេះ ឯកឧត្ដម សុខ ពេញវុធ និងឯកឧត្ដម ឆាយ វីរៈ អភិបាលរងរាជធានីភ្នំពេញ បានចុះទៅសម្របសម្រួល ផ្ទាល់ ជាមួយ អាជីវករ លក់ដូរនៅក្នុងតំបន់ដីក្រហម ជាប់ផ្សារដើមគ ។ ទទួលបានស្រុះស្រួល និងសះជាគ្នា ដើម្បីគម្រោងស្ថាបនាប្រពន្ធ័លូ ផ្លូវ នៅជុំវិញផ្សារដើមគរ ។

រដ្ឋបាលខណ្ឌដង្កោ កំពុងបន្តស្តារប្រឡាយចំនួន ៣ ខ្សែ ដើម្បីត្រៀមរំដោះទឹកភ្លៀង និងកាត់បន្ថយការជន់លិចក្នុងរដូវវស្សា ក្រោមការណែនាំរបស់ឯកឧត្តម ឃួង ស្រេង អភិបាលរាជធានីភ្នំពេញ។ ក្នុងនោះ ប្រឡាយជប៉ុន (MCC) ស្តាររួចរាល់ ខណៈប្រឡាយម័រ និងប្រឡាយព្រំប្រទល់សង្កាត់ព្រែកកំពឹស កំពុងបន្តអនុវត្ត។ អាជ្ញាធរបានអំពាវនាវឱ្យប្រជាពលរដ្ឋចូលរួមថែរក្សាប្រឡាយ និងទុកដាក់សំរាមឱ្យបានត្រឹមត្រូវ ដើម្បីរក្សាបរិស្ថាន និងបង្ការការលិចលង់។ ប្រជាពលរដ្ឋក៏បានសម្តែងការគាំទ្រ ដោយលើកឡើងថា ការស្តារប្រឡាយជួយឱ្យទឹកហូរបានលឿន កាត់បន្ថយការជន់លិច និងកាត់បន្ថយជម្រកមូសផងដែរ