ព័ត៌មានក្នុងខេត្ត
ទាំងអស់សេចក្តីជូនដំណឹងសេចក្តីប្រកាសព័ត៌មានសកម្មភាពថ្នាក់ដឹកនាំសកម្មភាពអាជ្ញាធរនយោបាយកសិកម្មទេសចរណ៍ពាណិជ្ជកម្មបទយកការណ៍សិល្បៈនិងវប្បធម៌សន្តិសុខសង្គមអប់រំ និងកីឡាសុខាភិបាលបរិស្ថានការអភិវឌ្ឍគ្រោះធម្មជាតិព័ត៌មានអន្តរជាតិ
សកម្មភាពអាជ្ញាធរ
រដ្ឋបាលខណ្ឌ៧មករា បន្តចុះប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធអនឡាញ (Online Scams)
នាព្រឹកថ្ងៃសុក្រ ៥កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែមិថុនា ឆ្នាំ២០២៦ នេះ អាជ្ញាធរខណ្ឌ៧មករា បានបន្តចុះប្រតិបត្តិការត្រួតពិនិត្យយ៉ាងតឹងរ៉ឹងនៅតាមទីតាំងស្នាក់នៅជាច្រើនកន្លែង ដើម្បីទប់ស្កាត់ និងបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធអនឡាញនៅក្នុងមូលដ្ឋានរបស់ខ្លួន។
សកម្មភាពអាជ្ញាធរ
រដ្ឋបាលរាជធានីភ្នំពេញ បើកប្រតិបត្តិការទ្រង់ទ្រាយធំ បង្ក្រាបទីតាំងឆបោកតាមអនឡាញ ល្បែងស៊ីសង និងគ្រឿងញៀន ឃាត់ខ្លួនជនសង្ស័យជាច្រើននាក់
ក្រោមការដឹកនាំបញ្ជាផ្ទាល់របស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈ បញ្ជាការឯកភាពរដ្ឋបាលរាជធានីភ្នំពេញ នៅថ្ងៃទី១៨ ខែមិថុនា ឆ្នាំ២០២៦ម្សិលម៉ិញនេះ គណៈបញ្ជាការឯកភាពរដ្ឋបាលខណ្ឌទាំង១៤ បានចុះត្រួតពិនិត្យ និងផ្សព្វផ្សាយអនុក្រឹត្យលេខ ០៣ នៅតាមទីតាំង អគារ ខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួនក្នុងគោលដៅប្រតិបត្តិការបោសសម្អាតទីតាំង សង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINES CAMS) ក្នុងភូមិសាស្ដ្រ រាជធានីភ្នំពេញបានចំនួន ១២០ទីតាំង ដោយបានរកឃើញជនបរទេសស្នាក់នៅសរុបចំនួន ៤០២នា ក់( ស្រី ១១៧នា ក់ ) និងមានលិខិតឆ្លងដែន ត្រឹមត្រូវ។
សកម្មភាពអាជ្ញាធរ
គណៈបញ្ជាការឯកភាពខណ្ឌមានជ័យ ចុះរៀបចំសណ្តាប់ធ្នាប់ផ្លូវ៩MC និងដាក់បទបញ្ជាក្តៅដល់ម្ចាស់ឃ្លាំងទាំង១០ទីតាំង ហាមរថយន្តធុនធ្ងន់ចតអាណាធិបតេយ្យ
ដើម្បីធានាបាននូវសន្តិសុខ សណ្តាប់ធ្នាប់ និងរបៀបរៀបរយសាធារណៈជូនប្រជាពលរដ្ឋ លោក សេង គន្ធ អភិបាលនៃគណៈអភិបាលខណ្ឌ និងជាប្រធានគណៈបញ្ជាការឯកភាពខណ្ឌមានជ័យ នៅថ្ងៃព្រហស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ពុទ្ធសរាជ ២៥៧០ ត្រូវនឹងថ្ងៃទី១៨ ខែមិថុនា ឆ្នាំ២០២៦ នេះ បានដឹកនាំកម្លាំងចម្រុះចុះរៀបចំសណ្តាប់ធ្នាប់នៅតំបន់ឃ្លាំងស្តុក និងចែកចាយទំនិញ តាមបណ្តោយផ្លូវ៩MC (ទីលានចាក់សំរាមចាស់) ស្ថិតនៅភូមិដំណាក់ធំ និងភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ប្រតិបត្តិការចុះរៀបចំសណ្តាប់ធ្នាប់នេះ ក៏មានការអញ្ជើញចូលរួមពីសំណាក់ គណៈនាយកខណ្ឌ, អធិការរងនគរបាលខណ្ឌមានជ័យ, មន្ត្រីកងរាជអាវុធហត្ថខណ្ឌ, កម្លាំងសន្តិសុខសណ្តាប់ធ្នាប់ខណ្ឌ, ចៅសង្កាត់ និងនាយប៉ុស្តិ៍នគរបាលរដ្ឋបាលស្ទឹងមានជ័យទី២ ព្រមទាំងមានការកោះហើញផ្ទាល់នូវ លោក-លោកស្រី ជាម្ចាស់ទីតាំងឃ្លាំងទាំង ១០ទីតាំង ក្នុងតំបន់នោះ
សកម្មភាពអាជ្ញាធរ
រដ្ឋបាលខណ្ឌសែនសុខ ចុះឈូសឆាយលុបបំបាត់ទីតាំងចោលសំរាមអនាធិបតេយ្យនៅសង្កាត់គោកឃ្លាង ព្រមទាំងអំពាវនាវឱ្យពលរដ្ឋចូលរួមថែរក្សាបរិស្ថាន
ឆ្លើយតបទៅនឹងបញ្ហាបរិស្ថាន និងដើម្បីលើកកម្ពស់សោភណភាពមូលដ្ឋាន កាលពីថ្ងៃទី១៨ ខែមិថុនា ឆ្នាំ២០២៦ នេះ អាជ្ញាធរខណ្ឌសែនសុខ បានបើកយុទ្ធនាការចុះឈូសឆាយ និងលុបបំបាត់ទីតាំងចោលសំរាមអនាធិបតេយ្យមួយកន្លែង ដែលស្ថិតនៅតាមបណ្តោយផ្លូវបេតុង ក្នុងភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ។
សកម្មភាពអាជ្ញាធរ
អាជ្ញាធរខណ្ឌមានជ័យ ចុះរៀបចំសណ្តាប់ធ្នាប់ និងហាមឃាត់រថយន្តធំៗចតលើចិញ្ចើមផ្លូវ នៅតំបន់ឃ្លាំងស្តុកទំនិញ ផ្លូវ 9MC
គណៈបញ្ជាការឯកភាពរដ្ឋបាលខណ្ឌមានជ័យ បានចុះរៀបចំសន្តិសុខសណ្តាប់ធ្នាប់រៀបរយ(ហាមរថយន្តធំៗចតលេីចិញ្ចេីមផ្លូវ) ឃ្លាំងស្តុក និងចែកចាយទំនិញ ផ្លូវ9MC (ទីលានចាក់សំរាមចាស់) ស្ថិតនៅភូមិដំណាក់ធំ និងភូមិដំណាក់ធំ១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
នៅថ្ងៃព្រស្បតិ៍ ៤កើត ខែបឋមាសាឍ ឆ្នាំមមី អដ្ឋស័ក ពុទ្ធសករាជ ត្រូវថ្ងៃទី១៨ ខែមិថុនា ឆ្នាំ២០២៦
សកម្មភាពអាជ្ញាធរ
អាជ្ញាធររាជធានីភ្នំពេញ ចុះត្រួតពិនិត្យ ៩៨ទីតាំង បង្ក្រាបបានទីតាំងសង្ស័យត្រៀមប្រព្រឹត្តបទល្មើសឆបោកតាមអនឡាញ (Online Scams) ១កន្លែង និងឃាត់ខ្លួន ៣នាក់
ក្រោមការដឹកនាំរបស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ នៅថ្ងៃទី១៧ ខែមិថុនា ឆ្នាំ២០២៦ ម្សិលម៉ិញនេះ គណៈបញ្ជាការឯកភាពរដ្ឋបាលខណ្ឌទាំង១៤ បានធ្វើការត្រួតពិនិត្យ និងផ្សព្វផ្សាយអនុក្រឹត្យលេខ ០៣ តាមទីតាំងអគារខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួនក្នុងគោលដៅប្រតិបត្តិការបោស
សម្អាតទីតាំង សង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្ររាជធានីភ្នំពេញ បានចំនួន៩៨ទីតាំង រកឃើញជនបរទេសស្នាក់នៅសរុបចំនួន២៨៤នាក់ (ស្រី ៨១នាក់) និងមានលិខិតឆ្លងដែនត្រឹមត្រូវ។
សកម្មភាពអាជ្ញាធរ
រដ្ឋបាលខណ្ឌឫស្សីកែវ ចុះពិនិត្យការដ្ឋានជួសជុលផ្លូវបេតុងប្រវែង ១.០០០ម៉ែត្រ ដើម្បីសម្រួលចរាចរណ៍នៅសង្កាត់ស្វាយប៉ាក
នាថ្ងៃពុធ ទី១៧ ខែមិថុនា ឆ្នាំ២០២៦ នេះ ថ្នាក់ដឹកនាំរដ្ឋបាលខណ្ឌឫស្សីកែវ បានអញ្ជើញចុះពិនិត្យផ្ទាល់នូវវឌ្ឍនភាពនៃការដ្ឋានជួសជុលផ្លូវបេតុងឆ្អឹងដែកមួយខ្សែ នៅក្នុងភូមិស្វាយប៉ាក សង្កាត់ស្វាយប៉ាក ដើម្បីពន្លឿនការស្ថាបនា និងធានាឱ្យបាននូវស្តង់ដារគុណភាពផ្លូវសម្រាប់ការប្រើប្រាស់សាធារណៈ។
សកម្មភាពអាជ្ញាធរ
រដ្ឋបាលខណ្ឌឫស្សីកែវ បើកវេទិកាផ្សព្វផ្សាយ និងពិគ្រោះយោបល់ក្រុមប្រឹក្សាខណ្ឌ អាណត្តិទី៤ ដោយមានអ្នកចូលរួមជាង ៧០០នាក់
នាព្រឹកថ្ងៃពុធ ទី១៧ ខែមិថុនា ឆ្នាំ២០២៦ នេះ រដ្ឋបាលខណ្ឌឫស្សីកែវ បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខណ្ឌ អាណត្តិទី៤ សម្រាប់សង្កាត់គោលដៅចំនួន៥ នៅក្នុងមូលដ្ឋានរបស់ខ្លួន។ វេទិកាដ៏មានសារៈសំខាន់នេះ ត្រូវបានធ្វើឡើងនៅមជ្ឈមណ្ឌលម៉ូឌែន៥ ក្រោមអធិបតីភាព លោក ជុំ បាយ័នវិបុល ប្រធានក្រុមប្រឹក្សាខណ្ឌ និង លោក ជិន ប៊ុនធឿន អភិបាលខណ្ឌឫស្សីកែវ។
សកម្មភាពអាជ្ញាធរ
រដ្ឋបាលខណ្ឌ៧មករា បើកប្រតិបត្តិការចុះបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធអនឡាញ (Online Scams)
នាព្រឹកថ្ងៃពុធ ៣កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៧ ខែមិថុនា ឆ្នាំ២០២៦ នេះ រដ្ឋបាលខណ្ឌ៧មករា បានបើកយុទ្ធនាការចុះត្រួតពិនិត្យ និងបោសសម្អាតទីតាំងសង្ស័យពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (Online Scams) យ៉ាងសកម្ម ដើម្បីពង្រឹងសន្តិសុខ និងសណ្តាប់ធ្នាប់សាធារណៈនៅក្នុងមូលដ្ឋាន។
សកម្មភាពអាជ្ញាធរ
រដ្ឋបាលរាជធានីភ្នំពេញ ចុះត្រួតពិនិត្យទីតាំងសង្ស័យជាង ៨០កន្លែង ក្នុងប្រតិបត្តិការទប់ស្កាត់បទល្មើសអនឡាញ និងការចែកចាយសាច់បង្កកខុសច្បាប់
គណៈបញ្ជាការឯកភាពរដ្ឋបាលរាជធានីភ្នំពេញ បានដឹកនាំគណៈបញ្ជាការឯកភាពរដ្ឋបាលខណ្ឌទាំង១៤ ធ្វើការត្រួតពិនិត្យតាមទីតាំងអគារខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្ររាជធានីភ្នំពេញ សរុបចំនួន ៧៦ទីតាំង រកឃើញជនបរទេសស្នាក់នៅសរុបចំនួន ៥២២នាក់ (ស្រី ១៧៨នាក់) មានលិខិតឆ្លងដែនត្រឹមត្រូវ និងពុំបានឃើញមានបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ឡើយ។
សកម្មភាពអាជ្ញាធរ
កម្លាំងចម្រុះរាជធានីភ្នំពេញ បន្តចុះឆែកឆេរឃ្លាំងចំនួន១២កន្លែង ឈានដល់ការបិទបណ្តោះអាសន្នទីតាំងស្តុកទំនិញខុសច្បាប់ចំនួន២
ក្រោមការដឹកនាំ និងបញ្ជាផ្ទាល់របស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ នៅថ្ងៃទី១៥ ខែមិថុនា ឆ្នាំ២០២៦ ម្សិលម៉ិញនេះ រដ្ឋបាលខណ្ឌទាំង១៤ សហការជាមួយកម្លាំងចម្រុះមកពីស្នងការដ្ឋាននគរបាលរាជធានីភ្នំពេញ អគ្គនាយកដ្ឋាន ក.ប.ប ដោយមានការសម្របសម្រួលផ្លូវច្បាប់ពីព្រះរាជអាជ្ញារងអមសាលាដំបូងរាជធានីភ្នំពេញ បានចុះត្រួតពិនិត្យទីតាំងឃ្លាំងតូច ធំ ក្នុងមូលដ្ឋានសរុបចំនួន ១២កន្លែង ដែលសង្ស័យមាននាំចូល ស្តុកទុក ចរាចរ និងចែកចាយផលិតផលបង្កកមានប្រភពពីប្រទេសថៃ។
សកម្មភាពអាជ្ញាធរ
កម្លាំងគណៈបញ្ជាការឯកភាពរដ្ឋបាលខណ្ឌ៧មករា ចុះប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams)
នាព្រឹកថ្ងៃអង្គារ ២កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែមិថុនា ឆ្នាំ២០២៦ នេះ រដ្ឋបាលខណ្ឌ៧មករា បានបើកយុទ្ធនាការបន្តចុះត្រួតពិនិត្យយ៉ាងសកម្មនៅតាមបណ្ដាទីតាំងស្នាក់នៅ និងអគារពាណិជ្ជកម្មមួយចំនួនក្នុងភូមិសាស្រ្តរបស់ខ្លួន ក្នុងគោលដៅប្រតិបត្តិការបោសសម្អាតបទល្មើសឆបោកតាមប្រព័ន្ធបច្ចេកវិទ្យា (Online Scams)។
សកម្មភាពអាជ្ញាធរ
រដ្ឋបាលរាជធានីភ្នំពេញ ចុះបោសសម្អាតទីតាំងសង្ស័យឆបោកតាមអនឡាញ ៩០កន្លែង ឃាត់ខ្លួនជនជាតិវៀតណាម ៦នាក់ និងផាកពិន័យម្ចាស់ទីតាំងជាង ២០លានរៀល
គណៈបញ្ជាការឯកភាពរដ្ឋបាលរាជធានីភ្នំពេញ ក្រោមការដឹកនាំបញ្ជាផ្ទាល់របស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានដឹកនាំ រដ្ឋបាលខណ្ឌទាំង១៤ ធ្វើការត្រួតពិនិត្យតាមទីតាំងអគារខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្ររាជធានីភ្នំពេញ បានសរុបចំនួន ៩០ទីតាំង។