ព័ត៌មានក្នុងខេត្ត

គ្រោះរញ្ជួយដីដ៏មានឥទ្ធិពលពីរលើកបន្តបន្ទាប់គ្នាបានវាយប្រហារចំភាគខាងលិចនៃរដ្ឋធានីការ៉ាកាស ប្រទេសវេណេស៊ុយអេឡា កាលពីរសៀលថ្ងៃពុធ ដោយបានបណ្តាលឱ្យបាក់រលំអគារជាច្រើន ខណៈមនុស្សជាច្រើននាក់ត្រូវបានគេជឿថាបានជាប់នៅក្រោមគំនរបាក់បែក។ ក្រុមអ្នកវិទ្យាសាស្ត្របានព្រមានពីលទ្ធភាពនៃការខូចខាតទ្រង់ទ្រាយធំ និងអាចមានជនរងគ្រោះបាត់បង់ជីវិតក្នុងចំនួនដ៏ច្រើននៅទូទាំងប្រទេស។

គិតត្រឹមវេលាថ្ងៃត្រង់ ថ្ងៃព្រហស្បតិ៍ ទី២៥ ខែមិថុនា ឆ្នាំ២០២៦ (ពេលវេលានៅកម្ពុជា) តួលេខមនុស្សស្លាប់ ក្នុងសោកនាដកម្មរញ្ជួយដីកម្រិតធ្ងន់ ដែលវាយប្រហារប្រទេសវ៉េណេស៊ុយអេឡា ២លើកផ្ទួនៗ មិនធ្លាប់មានក្នុងរយៈពេលជាង ១២៥ ឆ្នាំ បានកើនដល់ ៣២នាក់ហើយ ខណៈយ៉ាងតិច ៧០០នាក់ទៀត រងរបួស។

ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី កាលពីថ្ងៃពុធ ទី២៤ ខែមិថុនា ឆ្នាំ២០២៦ បានប្រកាសពីជោគជ័យដ៏ធំមួយ ដោយថា ឧបករណ៍ពង្រីកសញ្ញារបស់ដ្រូនរុស្ស៊ី ដែលធ្លាប់ដាក់ដំណើរការនៅលើទឹកដីបេឡារុស ត្រូវបានផ្អាកដំណើរការទាំងស្រុងហើយ។

ក្រោយបញ្ជាក់ពីករណីជំងឺអេបូឡា លើកដំបូងក្នុងទឹកដីរបស់ខ្លួន ដែលឆ្លងលើបុរសម្នាក់ជាគ្រូពេទ្យ ទើបវិលត្រឡប់ ពីសាធារណរដ្ឋប្រជាធិបតេយ្យកុងហ្គោ ពេលនេះប្រទេសបារាំង កំពុងស្វះស្វែងតាមដាន និងតាមរកមនុស្សមួយយន្តហោះ ដែលធ្វើដំណើរជាមួយអ្នកជំងឺ ចេញពីកុងហ្គោ។

ប្រធានាធិបតីអ៊ីរ៉ង់ លោក Masoud Pezeshkian បានប្រកាសក្ដែងៗថា ប្រសិនបើគ្មានមីស៊ីលការពារខ្លួនទេនោះ ប្រទេសអ៊ីរ៉ង់ច្បាស់ជាត្រូវរងវាសនាខ្ទេចខ្ទីគួរឱ្យអាសូរដូចជាតំបន់ហ្គាហ្សាទៅហើយ។ លោក Pezeshkian បានបញ្ជាក់យ៉ាងដាច់អហង្ការថា កម្មវិធីមីស៊ីលបាលិស្ទិករបស់អ៊ីរ៉ង់ គឺជារឿងដាច់ខាតដែលមិនអាចយកមកចរចា ឬដោះដូរជាមួយនរណាម្នាក់បានឡើយ ទោះជាស្ថិតក្នុងកាលៈទេសៈណាក៏ដោយ។

កាលពីថ្ងៃអង្គារ ទី២៣ ខែមិថុនា ឆ្នាំ២០២៦ លោកប្រធានាធិបតី វ្ល៉ាឌីមៀរ ពូទីន បានប្រកាសយ៉ាងច្បាស់ៗនៅក្នុងកិច្ចប្រជុំជាមួយមន្ត្រីរដ្ឋាភិបាលថា ប្រទេសរុស្ស៊ី បានត្រៀមខ្លួនរួចជាស្រេច ក្នុងការបើកកិច្ចចរចាសន្តិភាពជាមួយអ៊ុយក្រែនឡើងវិញ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Anadolu។ លោក ពូទីន បានសង្កត់ធ្ងន់ថា ការចរចានេះ ត្រូវតែផ្អែកលើកិច្ចព្រមព្រៀង ដែលធ្លាប់ជជែកគ្នានៅទីក្រុងអ៊ីស្តង់ប៊ុល ប្រទេសតួកគី និងការពិភាក្សានៅទីក្រុង Anchorage សហរដ្ឋអាមេរិក រួមទាំងត្រូវមើលលើស្ថានការណ៍ជាក់ស្តែងនៅលើសមរភូមិ នាពេលបច្ចុប្បន្នផងដែរ។

លោក Wellington Koo រដ្ឋមន្ត្រីក្រសួងការពារជាតិតៃវ៉ាន់ បានប្រកាសយ៉ាងអាសន្នថា កងទ័ពតៃវ៉ាន់ចាំបាច់ត្រូវតែសាកល្បងសមត្ថភាពឆ្លើយតបភ្លាមៗ ក្នុងករណីមានសង្រ្គាមផ្ទុះឡើង ព្រោះពេលនេះសញ្ញាព្រមានមុនពេលចិនបើកការវាយប្រហារ គឺកាន់តែខើចទៅៗហើយ។

ប្រធានាធិបតីរុស្ស៊ី វ្ល៉ាឌីមៀរ ពូទីន បានប្រកាសជាសាធារណៈថា ឥឡូវ ប្រទេសលោកខាងលិច លែងលាក់មុខទៀតហើយ! ពួកគេ កំពុងត្រៀមធ្វើសង្គ្រាមជាមួយរុស្ស៊ី ដោយយកលេស ការគំរាមកំហែងរបស់ទីក្រុងមូស្គូ ដើម្បីបង្កើនការចំណាយលើយោធា។

ទីភ្នាក់ងារចារកម្មអាមេរិក បានចេញមុខព្រមានរដ្ឋបាលលោក ដូណាល់ ត្រាំ ថា នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ មានទំនោរខ្ពស់ ក្នុងការដើរខុសផ្លូវ ដែលអាចនឹងធ្វើឱ្យកិច្ចព្រមព្រៀងសន្តិភាពយូរអង្វែងរវាងអាមេរិក និងអ៊ីរ៉ង់ ត្រូវរលាយសាបសូន្យ។

វ៉ាស៊ីនតោន/តេអេរ៉ង់៖ ព័ត៌មានលម្អិតបន្ថែមត្រូវបានលាតត្រដាងជាបន្តបន្ទាប់ជុំវិញកិច្ចព្រមព្រៀងបណ្តោះអាសន្នរវាង សហរដ្ឋអាមេរិក និង អ៊ីរ៉ង់ ដែលមានគោលបំណងបញ្ចប់ជម្លោះ និងកាត់បន្ថយភាពតានតឹងនៅក្នុងតំបន់មជ្ឈិមបូព៌ា ខណៈភាគីទាំងពីរកំពុងស្វែងរកផ្លូវឆ្ពោះទៅរកសន្តិភាពយូរអង្វែង។

ទីភ្នាក់ងារព័ត៌មានរដ្ឋអ៊ីរ៉ង់ Mehr បានរាយការណ៍ថា សហរដ្ឋអាមេរិក អាចនឹងបញ្ចេញទ្រព្យសម្បត្តិ និងសាច់ប្រាក់របស់អ៊ីរ៉ង់ដែលត្រូវបានបង្កកទុកកន្លងមក ក្នុងទំហំទឹកប្រាក់សរុបប្រមាណ ២៤ពាន់លានដុល្លារអាមេរិក ស្របតាមខ្លឹមសារនៃសេចក្តីព្រាងអនុស្សរណៈនៃការយោគយល់គ្នា (MoU) រវាងប្រទេសទាំងពីរ។

កងទ័ពសហរដ្ឋអាមេរិក បានប្រកាសថា ខ្លួនបានបាញ់ទម្លាក់ដ្រូនអត្តឃាតរបស់អ៊ីរ៉ង់ចំនួន ៤គ្រឿង ដែលត្រូវបានបង្ហោះសំដៅទៅកាន់តំបន់ច្រកសមុទ្រ Hormuz ខណៈដែលភាពតានតឹងផ្នែកយោធារវាងប្រទេសទាំងពីរ កំពុងបន្តកើនឡើង និងគំរាមកំហែងដល់សន្តិសុខនាវាចរណ៍ក្នុងតំបន់ឈូងសមុទ្រ។